Yaadon Ka Sheher: London - Part 1

​London ki sard aur kohre se bhari raat, January 14, 2035. Har taraf sannata tha, sirf hawa ki siskariyan sunai de rahi thi. Vijay, Thames Nadi ke kinare akele chal raha tha. Uske kadmon ki aahat bhi uski tanhai ko aur gehri kar rahi thi. Thames ki lehron mein uski parchaiyan naach rahi thi, jaise uski bechaini ka saaya ho. Uski aankhon mein beete hue kal ki yaadein kaanp rahi thi.

Vijay:

"Iss sheher ki har ek gali, har ek kona, teri kahani kehta hai.

Tu saath na sahi, par teri yaadon ka saaya saath chalta hai.

Teri rooh se jude har ek pal ki, main gawah banta hoon,

Har woh lamha jo tere saath guzra, usse main phir se jeeta hoon."

Tabhi uska phone baja. Screen par "Hem Sagar" ka naam chamak raha tha. Usne ek gehri saans li aur phone uthaya.

Vijay: "Bolo Hem..."

Hem Sagar: "Kahan ho tum, mere dost? Ab bhi London ki raaton mein kho gaye ho, ya apni yaadon ke samundar mein doobe ho?"

Vijay: "Tumhe kya lagta hai Hem? Wahi jo pehle tha...safar abhi bhi jaari hai, magar manzil ka koi thikana nahi. Tum kaise ho?"

Hem Sagar: "Tumhari fikar mein, tumhari tanhai mein. Yaar, woh guzre hue pal, woh beeti hui kahaniyan, ab unhe chhod do."

Vijay:

"Kaise chhod doon, Hem?

Kuch raatein aisi hoti hain, jo subah nahi hone deti,

Aur kuch kahaniyan aisi, jo khatam nahi hoti.

Main wohi hoon, jiska dil uski rooh ke paas nahi,

Jiski saansein chalti hai, magar zindagi uske paas nahi."

"Uske paas nahi, jiski yaadein mere dil mein bas chuki hain. Uske paas nahi, jiski tasveer meri aankhon mein qaid ho chuki hai."Phone cut ho gaya aur Vijay phir akela reh gaya. Thames nadi ke kinare, woh sab kuch wapas mahsoos karne laga, jo usne chand ki rajkumari ke saath kiya tha.

Achanak, ek ladki ki cheekh ki awaz aayi. Woh kuch gundon se bhaag rahi thi. "Please, help me..." Woh Vijay ke saamne aake ruki, uski aankhon mein ek umeed ki kiran thi.

Ladki: "Aap...aap meri madat kar sakte hain?"

Vijay usse dekhta raha. Lekin usne apni nazrein hata li aur aage badhne laga.

Vijay: "Main hero nahi, jo tumhein bachaoonga..."

Ladki: "Lekin...mujhe laga ki aap..."

Vijay usko akela chhod kar aage badhne laga. Uske andar ek ajeeb si khamoshi thi. Uske kadmon ki aahat phir se uski tanhai ko aur gehra kar rahi thi. Usne ek gehri saans li. Tabhi, gunde us ladki ke paas aate hain aur usse gher lete hain.

Gunda 1: "Lagta hai, is ladki ko akela chhod diya gaya hai. Ab toh hamein hi iska khayal rakhna padega."

Ek gunda ladki ke kapde phadne lagta hai, uski cheekh aur tez ho jaati hai. Ladki ki aankhon se ansoo behne lage.

Ladki: "Please help me..." woh sisak kar boli, "aur yahaan tumhari behen hoti toh tum usse bhi aise hi chhod ke jaate?"

Vijay ke kadam tham gaye. Uske kaanon mein ladki ke shabd goonjne lage. "Tumhari behen..." Uske andar ka har ek zakhm, har ek dard, uss ek sawal se jaag utha. Gunde ne phir se us ladki ke kapde phadne ki koshish ki.

Gunda 2: "Chal ab, bas ho gaya natak. Yeh koi hero nahi, jo tumhein bachayega."

Aur bas, ussi pal. Uske dil mein, uski rooh mein, uski ragon mein behta hua lahu ubalne laga. Vijay ke chehre par ek ajeeb si khamoshi thi, lekin uski aankhon mein ek toofan aane laga. Ek pal ke liye, uski aankhon mein beete hue kal ka saaya dikha. Phir, woh mud gaya. Uske chehre par ab dard nahi, balki ek aag thi.

Vijay:

"Shayad, tumne galat darwaza khatkhataya hai,

Kyunki tumne us insaan ko jagaya hai, jo mar chuka tha.

Tumne woh zakhm khola hai, jo ab tak bhara nahi tha,

Aur aaj, iska hisaab tumhari zindagi se hoga."

Vijay:

"Tumne socha ki tum mere dard ke saath khel sakte ho?

Tumne socha ki tum meri khamoshi ko meri kamzori samajh sakte ho?

Har ek toote hue dil mein ek toofan chhupa hota hai.

Aur aaj, woh toofan tumhein le doobega."

Vijay aage badha, aur ek gunde ke pet par zor se punch mara. Gunda zameen par gir gaya.

Vijay:

"Zakhmon ki shiddat se darta hai?

Abhi toh maine pehla waar kiya hai.

Abhi toh maine pehli barish barsayi hai,

Abhi toh toofan aana baaki hai."

Vijay ne doosre gunde ko uthaya aur use deewar se takraya. Uska chehra bilkul pathar ka ban gaya tha. Uski saanson mein sirf gussa tha.

Vijay:

"Tumne socha ki tum kisi aur ki behen ko chu sakte ho?

Tumne socha ki tum insaniyat ko maar sakte ho?

Har ek insaan ke andar ek raavan chhupa hota hai.

Aur aaj, woh raavan tumhein yahaan se utha dega."

Gunde us ladai se ghabra jaate hain aur wahan se bhaag jaate hain. Vijay us ladki ki taraf dekhta hai, uski aankhon mein ab bhi dard tha.

Vijay:

"Jaao...ab yahan se jaao.

Aur yaad rakhna, main woh hero nahi, jo tumne socha."