Chepter 1- Ghar ka mohal

Meri mummy aur papa ki love marriage hui thi

Shuruat mein dono ke beech bahut pyaar tha. Ghar mei hasi baatein aur sapne hua karte the Lagta tha jaise sab kuch hamesha aisa hi rahega

Lekin waqt ke saath sab

badalne laga

Dheere-dheere meri mummy ke ghar beta paida hota gaya.

Pehla beta, phir doosra

Har baar umeed hoti thi lekin har baar wahi baat

Ghar mein log kehte the

Beta hona chahiye.

Beta hi ghar ka naam roshan karta hai

Lekin ladki hone ki dua koi nahi karta tha

Aise hi karte karte meri

mummy ke 4 bete ho gaye

lekin ek bhi ladki nahi.

Har delivery ke baad mummy ka chehra aur zyada thak sa jata tha.

Wo kuch nahi kehti thi bas chupchaap sab sun leti thi

Ek din mummy ne halki si muskaan ke saath kaha,

Chahe 10 beta hi kyun na ho

jayein

lekin mujhe bas ek ladki chahiye.

Unki aankhon mein ek ajeeb si umeed thi

jaise wo apna adhoora sapna keh rahi ho

Mere ghar ki kahani kuch aisi hi thi

jahan beta hona khushi maana jata tha

aur ladki sirf ek khwahish ban kar reh gayi thi

Chepter 2- Ghar Ka Mahaul (Aage)

Mere ghar ka mahaul dheere-dheere bhari hota chala gaya.

Jo ghar kabhi pyaar se bhara tha wahi ghar ab khamoshi se bhar gaya

Papa ka rawaiya pehle jaisa nahi raha.

Unki baaton mein pyaar kam aur gussa zyada hone laga.

Mummy har baat par chup rehna seekh gayi thi.

Har baar jab koi mummy se poochta,l

Is baar ladka hua ya ladki

aur jab jawab milta, Ladka

to log chain ki saans lete the.

Par mummy ke chehre par koi khushi nahi hoti thi.

Unke dil mein bas ek hi baat thi

ek beti.

Raat ke waqt jab sab so jaate

main aksar dekhti thi mummy ko chupchaap rota hua.

Wo apne aansu takiye mein chhupa leti thi

taaki koi dekh na le

Mummy ke sapne chhote the

bas ek ladki jo unhe “maa” keh kar bulaaye

jiske baal wo pyaar se sanwaare

jise wo apni baatein bata sake.

Lekin ghar mein unki baat ka koi mol nahi tha.

Papa zyada tar ghar ke bahar rehte the.

Aur jab ghar aate to ghar aur zyada bojhil ho jata.

Bina bole bhi sab samajh aa jata tha

ke ghar ka mahaul theek nahi hai.

Mera ghar ek aisa ghar ban chuka tha

jahan log saath rehte the

lekin dil door-door hote ja rahe the

Is ghar mein khamoshi zyada bolti thi

aur shabdon ki jagah aansu le chuke the

Mummy ke sapne kisi kone mein dab gaye the

jahan sirf umeed saans leti thi

Har din ek jaise guzarta tha

bina khushi, bina shor bas zimmedariyon ke saath

Ye sirf meri kahani nahi thi,

ye us maa ki kahani thi

jiska sapna ek ladki tha.

Ghar mein sab kuch tha, bas sukoon ki kami thi

“Har din ek nayi umeed ke saath guzar raha tha.”