Main aaj bhi usi jagah baith kar likh rahi hoon,

jahan tum mujhe roz milne aaya karte the.

Ye bench, ye shaam, aur ye thandi hawa…

sab kuch wahi hai।

Bas tum nahi ho

Tumhe yaad hai

Tumne kaha tha —

“Chahe duniya chhod doon, par tumhara saath nahi chhodunga।”.

Main tumhari har baat par yakeen karti thi।

Kyuki tum meri pehli mohabbat the।

Aur pehla pyar aksar andha hota hai

Roz tumhari call ka intezaar karti thi।

Tumhari ek Hellobse mera din ban jaata tha।

Tum kehte the

Tum roti ho to mujhe dard hota hai।”

Phir ek din…

tumne phone uthana band kar diya।

Main darr gayi।

Socha shayad tum busy ho।

Main roz message karti rahi —

“Please baat karo, mujhe acha nahi lag raha।”

Par tumhari taraf se sirf khamoshi thi।

Jab tum mile,

tumhari aankhon mein wo pehle wali mohabbat nahi thi

Tumne seedha kaha

“Main thak gaya hoon, ab relation nahi chahiye।”

Maine poocha —

“Galti meri kya hai?”

Tum chup rahe।

Aur chup rehna bhi ek jawab hota hai।

Tum chup rahe।

Aur chup rehna bhi ek jawab hota hai।

Maine ro kar kaha —

“Main tumhare bina nahi reh paungi।”

Tumne bas itna kaha —

“Seekh jaogi rehna।”

Us din mujhe pata chala,

ke sabse zyada dard tab hota hai

jab apna hi apna nahi rehta।

Tum chale gaye।

Aur main wahi zameen par baith kar roti rahi।

Log dekhte rahe,

par kisi ne ye nahi poocha

ke is ladki ka kasoor kya hai।

Aaj bhi jab raat hoti hai,

main tumhari chats padh kar roti hoon।

Tumhari last line ab bhi meri aankhon ke saamne hai

“Khush rehna.”

Kaise khush rahoon?

Jis insaan ke saath maine apni poori zindagi sochi thi,

usi ne mujhe adhoora chhod diya।

Log kehte hain

Time ke saath sab theek ho jaata hai।”

Par mera time to wahi ruk gaya hai,

jis din tumne mujhe chhoda tha।

Aaj suna hai tum kisi aur ke saath ho।

Tum hans rahe ho,

waise hi jaise mere saath hansa karte the।

Aur main?

Main aaj bhi tumhara intezaar karti hoon।

Is umeed mein nahi ke tum wapas aaoge,

bas is aadat mein jo tumne laga di।

Kuch pyaar kahaniyaan shaadi tak nahi jaati,

kuch kahaniyaan bas aansuon mein khatam ho jaati hain।

Aur meri kahani?

Wo aaj bhi zinda hai…

sirf dard ke saath 💔

Kal ek khabar mili…

tumhara accident ho gaya tha।

Mere haath kaanp gaye।

Dil zor-zor se dhadakne laga।

Main bhagte hue hospital pahunchi।

Tum bed par lete hue the,

aankhen band, saans dheemi।

Doctor ne kaha

“Der ho chuki hai.

Maine tumhara haath pakda,

jo kabhi mera saath nahi chhodne ka wada

karta tha।

Aaj wahi haath bilkul thanda tha।

Maine rote hue kaha —

“Ek baar aankhen khol lo,

main koi shikayat nahi karungi

Par tumne aankhen nahi kholi

Tab mujhe tumhari jeb se ek chhota sa kagaz mila।

Us par likha tha

“Main usse chhod to aaya

par bhula nahi paaya।

Agar main mar jaun

to use bata dena

wo meri aakhri mohabbat thi।

Us din mujhe samajh aaya…

tum mujhe chhod kar gaye the

par pyaar aaj bhi mere naam ka tha।

Aaj main roti nahi hoon,

bas khamosh ho gayi hoon।

Kyuki jo insaan zinda reh kar mera nahi ho saka,

wo mar kar bhi sirf mera hi reh gaya 💔😔