SABI nila iba daw ako.

Sinabi pa nilang napaka perpekto ko.

Nadinig ko pang napaka talented ko daw sa madaming bagay.

Nakakahiya mang sabihin, pero alam ko naman na yun kaya hindi na talaga nila kailangan pang sabihin saakin.

Masasabi ko ba talagang magaling ako sa kahit anong bagay?

"Makinig kayo..."

Masasabi ko ba talagang talented ako?

Itinaas ko ang dalawang kamay ko na siyang aabot hanggang ulo ko.

"Nandito ako sa harapan niyo..."

Perpekto ba talaga ako?

Tama ba talaga ang desisyon na to?

".. Upang ipadinig sainyo kung gaano ka makapangyarihan ang bathala",

Napapikit ako at napahinga ng malalim.

"Pakinggan niyo ang kapaligiran..."

Hooosshh

Isang malakas na ihip ng hangin ang dumaan na siyang nagpa ingay ng mga dahon ng puno sa kapaligiran.

"Nandito ako..."

Napadilat ako...

Dahan dahan na tumingin sa baba...

"Ipinadala ako ng bathala upang gabayan kayo..."

Isa isa kong binagsakan ng tingin ang mga weirdong taong ito...

Kapansin pansin ang mga kasuotan at itsura ng mga ito.

Maliban lang ata sa pagkakaroon nila ng dalawang paa, dalawang kamay, dalawang mata, dalawang butas na ilong pang daloy ng hangin, isang bibig, at kung ano ano pang example sa isang tao, matuturing ko pa sana silang katulad ko pero...

"... gabayan kayo sa mundong to kung paano magkaroon ng mas maayos na buhay..."

Wala akong balak na bumuo ng kulto pero...

Gusto kong mapangiwi sa kaba.

Kung hindi lang sana sa kakaibang tenga na meron sila... Kung hindi lang sana sa buntot na lumalabas sa likod nila at kung hindi lang sana sa mala primitive na suot nilang balat ng kakaibang hayop...

"Sugat, kaya ko yang gamutin. Pagkain, kaya ko yang ibigay. Matitirhan, kaya ko yang lutasin..."

Maituturing ko pa sana silang mga normal na taong tribo...

Pero...

"Sandata, kaya ko yang patibayin..."

Bumagsak ang paningin ko sa gilid...

Mula sa whisker nito, mapulang ilong na parang nakakatuksong pindutin, bilog na mata nitong parang iginuhit pares ng anime, black white stripes nitong katawan, balahibo nitong parang napakasarap yakapin, at ang tenga nito na siyang parang maya maya lang ay mag e-airplane mode na...

Iisipin ko pa sanang normal na pusa lang ito pero...

"Nandito ako sa harapan niyo upang tulungan kayo sa mga pagsubok na siyang ibinibigay ng bathala!"

Lahat ng salitang inilabas ng bibig ko... Nanggaling pa sa desperado kong hiling...

"Roooaar!", biglang sumigaw ang malaking tigre.

Kasabay nun, nagsigawan din ang mga abnormal na tao sa baba.

Waaaah T_T!

Putik, ayaw ko pang mamatay.

—

"Waahhhh!",

Binilisan kopa ang takbo ko, ramdam ko ang bagay na yun sa likod ko at pakiramdam ko ay mas lalo lang itong naging agresibo.

Nanghihina na ang tuhod ko at ilang minuto nadin akong walang tigil sa pagtakbo. Ano ba ang nangyari?

Kanina lang ay nag papahinga lang kami ng mga kasama ko. Sa taas ng walang tigil naming paglalakad, nagawa nadin naming makapagpahinga nang makakita ng safe na lugar.

Pero nagising nalang akong may kumakapit sa bewang ko, akala ko pang pinagsasamantalahan na ako ng mga kasama ko pero nang idilat ko ang mata sa dilim, doon ko lang napansin na hindi lang pala sa bewang ko may kumakapit, halos buong katawan ko na pala ang nilalamon ng kakaibang nilalang.

Buti nalang at natulog akong hawak hawak ang dagger ko dahilan nagawa ko pang makatakas sa nilalang na yun.

Doon ko lang napansin na nasa kakaibang lugar na pala ako. Hindi kona nagawang hanapin ang mga kasama dahil ramdam kong aatakehin ulit ako ng halimaw nayun. Wala na akong paligoy ligoy na tumakbo pero hindi ko inaasahan na halos limang kilomentro ang kayang ikahaba ng halimaw na ito.

Nang tumingin ako kanina, hindi ko makita ang buong katawan nito pero ang mala ugat na galamay nito ay parang ahas akong hinahabol.

Mukhang hindi niya talaga ako tatan-tanan kahit ano pang takbo ang ginagawa ko dito.

Hindi na talaga kaya ng katawan ko. Nakakamangha na ngang nagawa kong tumakbo ng ganito kalayo. Buti nalang talaga at awakened ako kaya parang superhuman ang katawan na meron ako ngayon pero, sa huli, kahit gaano pa kalakas ang katawan ko, talagang may oras itong susuko na sa pagod.

"Ah!" Isang matinis na sigaw ang nagawa ko ng hindi ko namalayan na ang kaninang patag na kagubatan na tinatakbuhan ko ay nagbago ng kurba, hindi literal pero dahil siguro sa sobrang pagod na ng katawan ko, hindi ko na namalayan na ang tinatapakan ko ay nasa bangin na pala.

Halos huminto ang hinga ko ng bumagsak ako sa lupa at halos tatlong beses na gumulong bago bumagsak sa malaking sanga ng kahoy. Ramdam ko ang hapdi ng mga sugat na nakuha ko sa pagbagsak nayun. Nasaktuhan pang ang puwesto ko ngayon ay nakaharap sa mala ahas na ugat nayun.

Talagang huminto ang hinga ko sa bilis ng galaw nito at nang lumipad ito sa mukha ko, hindi kona napigilan na mapapikit.

Tigil hininga at wala akong magawa kundi ang tanggapin na ang katapusan ng buhay ko...

Pero ilang segundo ang lumipas, wala akong maramdaman na masakit. Unti unti akong napadilat at napasinghap pa nang makita ang dulo ng ugat na yun na lumulutang parin sa harapan ko. Muling gumalaw ang halaman na para bang sinusubukang abutin ako.

Nang mapansin kong mukhang hindi ako nito kayang abutin, ininda ko ang hapdi ng katawan at gumalaw paatras at palayo dito.

Sinusundan padin ako ng ugat na yun pero mukhang hindi na nito kayang pataasin ang sarili kaya lumulutang lang itong sumunod sa galaw ko. Napalunok nalamang ako. Sa tulis ng dulo ng ugat na ito, siguradong mala espada yung tatagos sa katawan ko kung nagawa nitong abutin ako ngayon.

Nang ilang metro na ang layo ko, pinilit ko ng tumayo. Tumatayo habang kaharap padin ang ugat. Natatakot akong baka habang nakatalikod ako dito, bigla nalang itong humaba at talagang tutusukin ang katawan ko.

Walang nagbago sa ugat pero mukhang gusto talaga nitong abutin ako. Nang marealize kong hindi talaga nito magawang pahabain pa ang sarili, napatayo na ako ng maayos. Humingal padin ako sa pagod. Gusto kong umupo ulit pero natatakot ako sa lugar na ito.

Hindi ko magawang makampante, paano kung may kung anong nilalang nalang ang dumating?

Kakaiba pa naman ang gubat na ito.

Sa pagkakaalala ko, ilang taon ng walang nakakita ng ganito ka berdeng gubat. Ilang taon na ang lumipas simula nag simula ang apocalypse. Oo, apocalypse. Zombie start emerging, awakened start appearing. Ang malala, nag eevolved pa ang mga zombies. Mahirap para sa mga awakened na nanggaling sa mapayapang panahon na makipag laban ng patayan sa mga zombies na iyon pero upang maging malakas, kinakailangan naming lumaban ng walang tigil.

Napatingin ako sa paligid at nang makita ang mala rain forest na lugar na ito, hindi ko mapigilan na mapa buntong hininga. The earth become infertile. Plants won't grow without the help of a plants awakeners.

Nasaan ako ngayon?

Binalingan ko ulit ang ugat nayun bago tumingin sa likod. Napahinto ako sa pag galaw, halos lumabas ang mata ko sa gulat sa nakikita ngayon.

Ano to?

Isang malaking buto ang nasa harapan ko ngayon. Hindi lang malaki, talagang napaka laki. Sa tingin ko nga't halos two storey ang laki nito. Anong klaseng halimaw ang nag mamay-ari ng buto na to?

"Sriikk", naitaas ko ang dagger na hawak nang marinig ang ingay nayun.

Napatingin ako sa pinanggalingan nun at ganun nalang ang muli kong pag kakagulat nang makita kung anong klase halimaw na naman ang nasa harapan ko.

Halos kasing taas ko ang halimaw na ito. Mula sa mala reptile nitong mata at balat, masasabi ko agad na carnivorous ang halimaw na ito.

"Striik", gumalaw galaw pa ang ulo nito na para bang nag tataka na makita ako.

Bumilis ang takbo ng puso ko sa kaba.

"Strriuukk!", bigla itong sumigaw. Kitang kita ko ang mahaba nitong pangil kasabay nun ay tumakbo ito ng mabilis saakin. Nakahanda akong sunggaban.

Napaatras ako at humanda sa atake nito.

Nakahanda na ako sa mangyayaring labanan pero bigla...

"Sti—",

Isang mabilis na nilalang ang sumagasa sa halimaw.

Nakaamoy ako ng dugo sa sumulpot na nilalang. Nakahanda na akong labanan ang bagong nilalang na dumating pero may napansin ako dito.

Ang nilalang na nakapasan sa halimaw nayun ay dahan dahan na tumayo at humarap sa kinapupuwestuhan ko.

Napahinto ako nang marealize na ang nilalang na ito ay isang tao. Tao?

Napatingin ako sa kabu-ohan nito, pataas at pababa. Halos masilaw ang mata ko sa nakita.

Bakit hubot-hubad siya?!

Pinilit kong hindi tignan ang baba nito. Napansin kong mukhang nagulat din siya ng makita ako.

"Ahwan bwal", bigla siyang nag salita pero sa hindi malamang dahilan, hindi ko siya maintindihan.

Anong sinasabi niya? Bakit para akong nakadinig ng ibang lenggwahe?

Dahil siguro sa hindi ako sumagot dito, sinubukan nitong humakbang palapit saakin na naging dahilan ng muling pag atras ko.

Napansin ko ang pag kunot ng noo nito at pagbaba ng tingin sa isang braso na siyang mas puno ng dugo.

Kahit ako ay nasira din ang mukha dahil mukhang malalim ang sugat niya sa braso nayun. Napatingin pa ako sa halimaw na tinalunan niya at nagtaka kung paano niya napatumba iyon ng isang atake lang kahit pa sobrang lala na ng kalagayan nito.

"Agsha na", muli siyang nagsalita habang seryosong nakatingin saakin bago tumalikod sa kinapupuwestuhan ko.

Binalikan niya ang halimaw at gamit ang isa niya pang maayos na braso, kinuha niya ang halimaw nayun at kinaladkad sa kung saan.

Napahinto ako dahil kahit parang baliw ang taong ito, mukhang wala naman itong balak na saktan ako.

Napahinga pa ako ng malalim at napatingin ulit sa paligid. Pati ang ugat kanina ay tinignan ko din. Nakakapagtakang hindi padin ito sumusuko na abutin ang puwesto ko.

Gusto kong umalis dito at mag hanap man lang ng ligtas na matataguan pero hindi naman ako sure kung hanggang saan ang haba ng ugat nayun kaya natatakot akong basta basta nalang maglakad sa kung saan.

Muli kong tinignan ang taong umalis at nang makita ko siyang naglakad sa malaking bato, napagdesisyonan ko nalang na sundan ito.

Hindi ako lumapit dito, may ilang metro padin ang layo ko sakanya. Nakakatakot kayang lapitan ito. Nakakapagtaka na ngang wala itong suot na damit sa lugar na ito. Nasa gubat kami, sino ba naman ang may tamang pag-iisip ang maglakad ng hubot-hubad lalo na't halos maligo na ang katawan nito ng kulay dugo.

Naglakad ito patungo sa likod ng malaking bato. Sinundan ko ito at nang tinapun niya ang hawak na halimaw, napasunod ang tingin ko dito.

Nadinig ko siyang gumalaw at dumaing pero ang paningin ko ay naiwan sa halimaw na itinapon niya.

Natulala ako sa nakita. Isang malaking buto ng kakaibang hayop ang nandoon. Hindi ito nag iisa. Ang itinapon na halimaw ng taong yun ay napunta sa tuktok ng iba pang halimaw.

Nagulat ako sa nakita pero hindi din napigilan na ma curious. Hindi ko mabilang ang halimaw na nandidito dahil mukhang ang iba dito ay halos mahiwa na sa natamong sugat pero may napansin akong kakaibang hayop doon. Mukha itong malaking peacock pero hindi naman mukhang peacock, sadyang may makulay lang talaga itong balahibo.

Mula sa likod ng mga halimaw na ito, may malaking buto doon at meron ding ibang katawan ng hayop na siyang nangangamoy na ngayon.

Napaatras ako ng marealize ang baho ng paligid. Ano ba ang nangyayari dito?

Muli kong tinignan ang taong yun pero napansin kong nawala ito. Kinabahan ako pero napansin ko ang itaas ng malaking bato.

Mula sa kinatatayuan ko, may nakita akong bukana ng malaking kuweba. Huminga ako ng malalim at sinubukang umakyat sa mga batong nakapaligid dito. Nang makaakyat, doon ko nakita ang taong yun; sa loob ng kuweba at nakasandal sa isang bato habang hawak hawak ang isang braso.

Mukhang nakaramdam na ng panghihina ang taong ito dahil makikita sa mukha nito ang pag inda.

Nakatayo lang ako dito at nagdadalawang isip pa kung ano ang gagawin ko.

"Kaya mo pa ba?", hindi ko mapigilan na tanungin ito habang sinubukang humakbang palapit dito.

Hindi na bago ang ganitong setwasyon. Ang makakita ng mga nakakatakot at napaka savage na pangyayari.

"Myahaja", tumingin saakin ang lalake. Makikita sa mukha niya ang pagkainis.

Mukhang nagsasalita siya ng ibang lenggwahe. Napabuntong hininga nalang ako. Sa itsura niya mukhang hindi niya na magawa pang tumayo sa pagkakaupo. Kapansin pansin din na umaagos ang dugo niya sa sugat na sobrang hirap ng tignan ngayon.

Ano ba ang ginawa nito't sobrang lala naman ata ng sugat niya at mukhang wala pa siyang balak na takpan o linisin man lang yun.

Ako ang nasasaktan sa lagay niya eh.

Bumuntong hininga ako at napatingin ulit sa paligid. Ang kuwebang ito ay puno ng mga halaman at nang makakita ako ng malaking dahon, inabot ko yun at kumuha ng isa.

Bumalik ako sa lalake, at walang balak na mahawakan na ipinatong ko sa katawan niya ang malaking dahon.

Kahit na sobrang kawawa na ng lagay niya, hindi padin ako komportableng tignan ang malaking bagay na nasa baba niya.

Akala ko ay hahayaan niya akong gawin ang ginawa ko pero napaiktad ako ng malakas niyang itinapon ang dahon tsaka masama akong tinignan. Ayon, nakita ko nanaman ang nasa baba niya. Komportable ba talaga siya sa lagay niyang yan?

Mukhang masungit ang lalakeng to pero mas masungit ako. Kung patigasan tayo, siguradong mananalo ako. Kinuha ko ang malaking dahon at habang hawak ito, pinilit kong ipang takip ito sa paningin ko sa baba niya.

Tinignan ko ang malaking dahon, kahit malaki ito, hindi nito kayang takpan ang buong katawan ng lalakeng ito. Huminga ako ng malalim at nag focus. Biglanglumiwanag ang hawak kong dahon, at dahan dahan iyong lumaki. Nang mapansin kong sakto na ang laki nito, itinigil ko na ang pag kontrol sa awakened ko. Muling bumalik sa lalake ang paningin ko na ngayon ay parang gulat na gulat na nakatingin saakin.

"Huwag kang malikot kung hindi paliliitin ko yang junior mo", diin na sabi ko dito at nagmadaling ibinalot sa katawan niya ang dahon. Nagbalak pa itong kumawala saakin pero sinamaan ko ito ng tingin dahilan napahinto ito.

Pinilit kong ibinalot sa kalahating katawan niya ang dahon, isinali ko na ang maduming crispy na pandesal para safe. Ngayon, para siyang turon na ibinalot sa lumpia wrapper pero nakalabas ang dalawang braso at ulo.

Nanigas siya sa pagkakaupo at parang hindi makapaniwala sa ginawa ko. Well, hinayaan niya naman akong gawin ang ginawa ko, okay na siguro to.

Tumayo ako at tinignan ulit ang kabuohan niya. Napaka-awkward ng lagay niya. Pero okay nadin to para naman kahit paano, mapa focus ako sa sugat niya at hindi sa baba.

Hindi talaga ako sure sa ginagawa ko pero hindi ko naman kayang kalimutan nalang ang nangyari kanina. Nagkaganito lang naman ang lalakeng ito dahin sa pagligtas niya saakin kanina. Kahit hindi naman kami nagkakaintindihan, may utang na loob padin akong nararamdaman.

Tumingin ulit ako sa paligid. Madilim ang kasuluksulukan ng kuweba pero may nadidinig akong ingay dito. Isang patak ng tubig. Dala dala ang isa pang dahon nagmadali ako naglakad papasok pa lalo sa kuweba at kahit madilim, pinilit kong linawin ang paningin ko.

Dahil sa liwanag na nanggaling da labas, parang nag reflect ang liwanag sa malaking pool na nasa loob ng kuweba. Namangha pa ako sa ganda ng reflection na yun, sa huli ay tuwang tuwa akong lumapit dito at gamit ang dahon na dala, kumuha ako ng tubig. Nagmadali ako bumalik sa lalakeng nakasandal padin doon.

"Huwag kang gumalaw, lilinisan natin yan", paalam ko pa dito at hindi na pinansin ang nagtatakang mata nito, ibinuhos ko sa sugat niya ang tubig na dala ko.

"Ahh!", napainda siya at pinilit na hindi gumawa ng ingay pero kitang kita ang galit sa mukha nito habang nakatingin saakin.

"Oops!", balak sana nitong tanggalin ang nakabalot na dahon sakanya kaya pinigilan ko ang kamay nito.

Kahit na binalot ko sakanya ang dahon, ingat na ingat talaga ako para hindi siya mahawakan pero nang mahawakan ko ang kamay niya, doon ko lang na realized na sobrang init niya pala.

Sobrang init talaga kaya walang sabi akong napahawak sa noo niya. Ang lala nito. Parang kaya na ng noo niyang makaluto ng itlog sa lagay niyang ito.

"Huwag kang gumalaw. Ang init init mo tapos may gana ka pang gumalaw?", hindi ako makapaniwala sa isang ito. Tao pa ba to?

Ano bang tumatakbo sa utak nito't nandito siya sa gubat na hubot hubad at napakataas pa ng lagnas? Ano siya? Si Tarzan?

Napansin kong mas lalo siyang namula, mukhang mas lumalala na ang nararamdaman nito. Tinignan ko ang sugat nito tsaka ang mukha niya. Hindi na siya nakatingin saakin ngayon, ibinalik ko ulit ang tingin ko sa sugat.

Mukhang isa ata ang sugat na ito sa dahilan kaya lumalala ang lagnat niya.

Bumuntong hininga ako. Kinuha ko ang shoulder bag na dala ko. Buti nalang talaga at kasama ng dagger ko, dala ko din ang shoulder bag na ito. Hinalukat ko yun, nagbabakasakaling kahit paracetamol ay sana ay meron ako pero wala akong makita.

"Ayaw ko tong gawin pero ito lang ang meron ako", napabulong akong naglabas ng malaking lalagyan ng Betadine.

Tinignan ko ulit ang sugat niya. Ayaw kong mamatay ang lalakeng ito sa harap ko. Mas gugustuhin ko nalang na piliing gawin ito kesa sa hayaan lang siyang ganito.

Muli akong tumayo at muling kumuha ng tubig. Nilublob ko ang pocket knife na meron ako sa tubig, komplikadong tinignan ang sugat. Ngayon ko lang napansin na mukhang matagal na ang sugat na to. Paano ba naman at may tuyong dugo na sa gilid sugat niya, mayroon ding dead skin dito. Kung hindi ko lang ito binuhusan ng tubig, hindi ko pa ito makikita.

Hindi naman ako nadidirian dito, ako pa na ilang taon ding nabuhay sa apocalypse na mundong yun, halos nakita kona kaya ang halos pinaka brutal na itsura ng patay na katawan, sadyang napaka unkomportable lang talagang tignan ng sugat nito.

"Mhewo naba?", mukhang napatanong siya saakin nang makitang hawak ko ang pocket knife ko.

"'Wag kang mag-alala, lilinisan lang natin ang sugat mo", kahit hindi naman kami nag kakaintindihan, sinabi ko padin yun.

Hinawakan ko ang mainit niyang braso at inihanda ang sarili sa gagawin, pero hindi pa nga nakakalapat ang pocket knife ko sa sugat niya, bigla niya nalang hinawakan ang palapulsu-an ko.

Napatingin ako sa seryoso nitong mukha. Hays, paano ko pa eexplain sakanya ang balak ko? Mukhang hindi niya talaga ako maintindihan pero normal response naman na siguro na lilinisan natin ang sugat niya kung ganito't mukhang nagka infection na siya sa lagay niyang to.

"Lilinisan lang natin para naman bumaba na yang lagnat mo. Wala akong gamot kaya ito nalang ang magagawa ko", sabi ko dito pinipilit na ipaintindi dito. Pinilit ko pang ngumiti dito dahil naniniwala ako sa 'A smile is a simple way to show you have good intentions'

Ang mahigpit na pagkakahawak niya sa palapulsu-an ko ay dahan dahang bumitaw. Habang deretsong nakatingin sa mukha niya, dahan dahan siyang umiwas ng tingin at ibinaling ang mukha sa gilid baliktad sa sugat niya. Napansin ko pang mukhang sumuko na ang buong katawan niya.

"'Wag kang sumuko, hindi ka mamamatay dito. Sa laking mong yan, sigurado namang madami kapang dugo. Indahin mo lang to ng ilang minuto, matatapos kaagad ako", hindi ko mapigilan na sabihin ito sakanya pero wala akong natanggap na sagot dito.

Umiling nalamang ako at nagsimula nalang na linisan ang sugat niya. Sinigurado kong malinis ang labas ng sugat niya.

Nang matapos ay doon ko lang napansin na nanghihina na pala siyang napasandal. Kumuha ulit ako ng madaming dahon, ginawa itong higaan upang kahit papaano ay komportable siya sa pagkakahiga. Naglabas ako ng isa sa mga sando ko tsaka ipinunit yun upang ma-itinali sa malinis na niya sugat. Muli din akong kumuha ng tubig at gamit ang isa pang punit na bahagi ng tela, ibinasa ko ito at nilinisan ang ibang bahagi ng katawan niya.

Kapansin pansin ang malalalim niyang paghinga.

Hindi ko mapigilan na mapatitig sa mukha nito. Hindi ko inaasahan na maliban pala sa kapansin pansin na katawan niya, may ikabubuga din pala ang mukha niya. Oo, gwapo siya, sis. Medyo moreno pero ang haba ng pilik mata at ang kapal ng kilay, matangos ang ilong at medyo messy ang buhok. Akala ko pa may dumi siya sa ulo dahil ang ilang bahagi ng buhok niya ay may puti, hindi naman siya nagmukhang matanda sa puting buhok na yun. Mukhang dumagdag na yun sa appeal niya.

"Hmm", naputol lang ang titig ko nang madinig kong uminda siya.

"Pak", hindi ko mapigilan na tapikin ang sarili upang mapa focus ulit.

Hindi pa maayos ang pasyente, kailangan ko pa tong alagaan para mas mapaayos pa ang lagay nito.

Tumayo ako at napakamao. "Everything needs to be prepared!",

Tumingin ulit ako sa paligid. Ang una kong kailangan gawin ay ang makagawa ng apoy. Kailangan ko ng mainit na tubig. Kailangan ko ulit linisan ang sugat niya.

Naghanap ako sa paligid ng kahoy na puwedeng ipanggatong pero halos halaman at bato lang ang nasa paligid, nang tumingin ako sa baba ng kuwebo, doon lang ako nakakita ng mga tuyong kahoy.

Bumaba ako at nag kolekta ng kahoy, iniiwasan ang likod ng malaking bato kung nasaan ang matulis na ugat nayun. Tumingin ulit ako sa paligid nang biglang may mapansin ako.

Isang pamilyar na halaman. Nilapitan ko ito at siniyasat ng maiigi. Pamilyar siya... five-leaved chaste tree? Lagundi? Napahawak ako sa halaman pero hindi ako sure kung lagundi ba talaga ito. Wala akong masyadong alam sa mga halaman lalo na sa mga herbal pero isa akong actress. Hindi ko pa ba to nasasabi? Isa ako sa pinaka kilalang actress bago ang apocalypse. Hindi man ganoon kadami ang napagdramahan ko, magaganda naman ang mga nakukuha kong role. May isa ngang fantasy, isa naman ay historical tsaka halos palagi akong nakakakuha ng teenage romance na roles dahil yun ang pinaka-uso.

Hindi naman kailangang alam mo lahat para maging actress ka pero may iilan talagang tatatak sa alaala mo kapag devoted ka sa trabaho mo. Gustong gusto ko ang ginagawa ko kaya minsan tuwing may nakukuha akong roles, halos ibigay ko na ang 90% ng energy ko doon. Simula bata gusto ko na talaga maging actress pero dahil sa apocalypse hindi man lang ako umabot ng limang taon sa industry nayun.

Hindi ako mahilig magbasa pero may iilan akong alam na mga halaman. Lagundi ay para sa ubo, sipon, astma at lagnat. Ang problema ay hindi ako sure kung ang halaman ba na ito yun.

Tumingin ako sa paligid upang tignan kung may iba pa bang halaman. Nabaling ang tingin ko sa taas ng kuweba. Nag aalala talaga ako sakanya.

Tumingin ulit ako sa halaman. Puwede naman sigurong subukan diba? Pero... Paano kung may mangyari? Ayaw kong maguilty >_<.

Pero... Ayaw ko ding mamatay siya. Dinilatan ko ang halaman na parang maya maya lang ay gagalaw at tatakas ito sa paningin ko. Nakipagtitigan ako ng ilang segundo—nang biglang umihip ang hangin, mabilis akong humablot ng isang dahon dito tsaka ipinasok sa bibig ko. Maliit lang yun, siguro naman ay safe kung e tetesting ko sa sarili ko diba?

Nginuya ko ang halaman. Ang... Ang pait! >-<

Gusto kong e-dura ang nasa bibig ko pero kailangan kong e testing to!

Sa huli, sinisip ko ito hanggang sa mawala ang lasa nito. Inidura ko ito tsaka napaisip kung tama ba ang ginawa ko.

Maliban sa mapait, mukhang maayos naman na ata to. Sa pagkakaalam ko, mapait ang lagundi. Ahhh... Kumuha ako ng ilang piraso dito. Tinignan ang hawak ko, tsaka napaisip, 'Bahala na, wala naman sigurong masamang subukan'.

Gamit ang lighter na nasa bag ko, sinindihan ko ang mga tuyong kahoy na nakolekta ko. Kumuha ako ng tatlong malalaking bato para sa paligid ng apoy. Naghanap ng swallow na bato, nilinis yun, nilagyan ng tubig at inilagay sa apoy. Napaupo ako sa harap ng apoy, naghihintay na kumulo ang tubig.

Hindi ko ito tuluyang pinakulo dahil kailangan ko ng tubig na katamtaman lang ang init. Gamit ang dahon na ginawa kong square na siyang natutunan ko noong elementary, nilagyan ko ito ng tubig. Nilapitan ulit ang lalake at nilinisan ulit ang sugat.

Dahil mukhang nilalamig siya, gamit ang mainit na basang tela, wala akong nagawa kundi linisin din ang ibang parte ng katawan niya. Noong una, sa leeg at mukha lang niya napunta ang kamay ko pero dumaan ito sa malapad niyang dibdib at dahan dahang bumaba... Ehhhhh, matigas ah... Matigas yung pandesal kahit tulog siya, tense yarn?

Hindi mapigilan ng pisngi kong mamula. Hindi ako manyak ah, hindi ko sinasadyang hawakan siya dito. Nagkataon lang na nag aalala ako kaya gusto kong malinisan siya...

Hehe, gusto ko pang bumaba pero mukhang sumusobra na ata yun kaya bumaba ang paglinis ko—hindi doon na baba okay? Kundi sa legs at paa niya lang. Nang matapos, na satisfied na din ako.

Bumalik ako sa natitirang iniinit na tubig. Ang nahugasan na na lagundi ay inilagay ko sa tubig at ilang minuto lang ay kumuha na ako dito. Pinalamig iyon at ipinainum saating sleeping handsome.

Natapos nadin ako. Tumayo ako at nag inat, tumingin ulit sa paligid. Pumunta ako sa loob ng cave at tinignan ulit ang pool doon. Napakaganda talaga...

Gusto ko tuloy maligo...

Hmmm...

Tinanaw ko ang lalakeng natutulog.

Wala naman sigurong masama kung maliligo ako diba?

Totoong nanlalagkit na talaga ako. Ilang araw na kaya akong walang ligo. Sobrang hirap na ngang makainom ng malinis na tubig sa apocalypse, nakapa impossible narin kayang makaligo sa mabilis na tubig.

Napangisi akong nag hubot-hubad. Mukhang impossible namang magiging pa ang ating sleeping handsome kaya, e tutudo ko na to.

Tumalon ako sa tubig...

Ahhh, ang sarap...

Ninanamnam ko ang sarap sa pakiramdam ng tubig pero naisip ko ang lalake sa labas kaya napaayos ako ng tayo at nagmadaling nilinis ang sarili.

Gudgud dito gudgud doon. Nilabhan kona din ang kaninang suot kong damit. Nang ma tapos, umalis na ako sa pool. Naghanap ng masusuot na damit sa bag ko. May isang sando, shorts at underwear nalang ako. Sobrang ninipis at talaga namang hindi nakakapagtakip sa katawan pero wala akong magagawa, hindi ko naman kayang ipagkasya ang malaking jacket sa bag ko.

Natapos akong magbihis, sinuklay suklay kopa ang buhok ko gamit ang daliri. Shakit, dahil hindi ako gumamit ng shampoo o conditioner, halos tumigas na ang buhok ko sa pagkakabuhol. Hay, wala akong magagawa dahil may curly hair ako.

Babalikan kona sana ang pasyente ko nang bigla ay may mapansin ako.

?

May nakikita akong liwanag mula sa ikalaliman ng kuweba. Hindi lang siya liwanag, kapansin pansin ang halaman doon. Bakit may halaman sa loob ng kuweba.

Sinilip ko ang lalakeng nakahiga padin ngayon tsaka tinignan ang dulo ng pool kung saan ang kakaibang green na umiilaw.

Na curious talaga ako. Sa maliit na daan sa gilid ng pool, dahan dahan akong naglakad patungo sa kabilang dulo ng kuweba. Nang makalapit, ginamit ko ang lighter na dala ko upang magbigay liawanag sa paligid.

May halaman na nakagapang sa pader ng kuweba. Sa gitna ay may umiilaw na berde.

Dahan dahan kong inabot yun at iwinasiwa ang dahon na nakaharang. Ang berdeng ilaw ay lumaki. Sobrang lumiwanag dahilan nagulat ako at nabitawan ang lighter. Napapikit at napatakip ng mata dahil sa sobrang liwanag.

[Ting! Binding the host!]

[Binding Successful!]

Ang liwanag ay dahan dahang nawala pero isang malamig na boses ang biglang nadinig ko.

Gulat akong napatingin sa harapan kung saan nanggaling a liwanag na yun pero walang kahit na anong nakalagay sa pader. Hindi ko nga makita kung ano yung umilaw.

"What the-," natameme talaga ako. Pakiramdam ko may nang prank saakin dahil sa liwanag nayun.

[Receiving an award for successful binding!]

[Ting! Host received a New Language Card]

"Huh?", napahinto ako. Bigla nalang may lumitaw na berdeng bagay sa harapan ko.

[Host, do you want to use the New Language Card?]

[Yes/No]

Muling lumitaw ang square na bagay sa harap ko na may kasamang malamig na boses at salita.

"Ah? Yes?", Hindi ako sure sa pag sagot.

[Ting! New language learned!]

Nang muli na namang sumagot ang nasa harapan ko, tuluyan na akong nagulat.

"Ahh!", napatalon ako at napaatras at dahil nakalimutan kong nasa dulo ako ng pool, bumagsak ako doon.

Buti nalang at natauhan ako sa tubig dahilan nag madali akong lumangoy at naiinis na napaalis sa pool.

"Ah, wala na akong masusuot na damit. Nabasa pa ko!", inis kong sambit sa sarili habang nakatingin sa suot.

[Automatically solving... Loading]

[Ting! Not enough energy. Host, search for more energy to solve the problem]

Muli na naman akong nagulat nang bigla na namang lumitaw sa harap ko ang berdeng screen. Buti nalang at malayo layo ako sa pool dahil kung hindi, magiging baliw talaga ako ditong ilang ulit nahulog sa tubig.

"Ano ba to? System? Malaking screen?" Sinubukan kong abutin ang screen pero wala akong mahawakan. Pati mata ko ay hinawakan ko para ma make sure na hindi ako namamalik mata.

Totoo ba to? May system ako? Ito ba ang sinasabi nilang cheat skill?

"System, sino ka? Kaya mo ba akong sagutin?",

[Solving... Ting! Energy Insufficient. Host, search for more energy to solve your problem!]

"Eh? Energy? Ano yun? Saan naman ako makakakuha nun?", mukhang mahirap ang system na ito.

[Energy Points: 0, Host, search for more energy to solve your problem!]

"Paulit ulit talaga? E ano nga kasi yang energy na yan? Saan ko yan makukuha?",

[Energy—]

"Shut up na, para kang robot na paulit ulit", inis kong sabi at ikinaway ang kamay sa harapan.

Nawala naman ang screen na parang hologram. Nakakunot noo akong napalakad papunta sa bukana ng kuweba.

Tinignan ang lalakeng nakahiga padin tsaka lumapit sa punong may malaking dahon. Mukhang ito muna ang gagamitin ko ngayon.

—

"Hmmm", sobrang tamis. Masarap to ah. Lasang papaya pero sobrang tamis.

Napaangat ang tingin ko sa puno kung saan ko to nakuha. Sobrang taas nun pero buti nalang at ang ability ko ay Scale Manipulation. Kaya kong ibahin ang size ng kahit ano. Ang ability na ito ang dahilan kaya't tumagal ako sa apocalypse. Hindi nalang ako nakakatulong sa mga kasama ko sa pag atake, pati pagkain ay kaya ko ding palakihin. Kaya lang sa loob ng ilang taon ko, level 5 padin ang nakakaya ng ability which is can only manipulate less than 5 thing per hour.

Hindi ko inaakala na ang lugar pala na ito ay may ganito ka sarap na prutas.

Nang mag kalaman ang tiyan ko, nakangiti akong naglatag ng dahon sa lupa. Tinignan ang lalakeng tulog padin. Mukhang bumaba na ang lagnat niya kaya hindi na ako nakaramdam ng pag-alala. Mukhang bukas magiging maayos na ang kalagayan niya.

—

Naalimpungatan ako sa ingay ng mga ibon. Parang panaginip lang ang narasanasan kong apocalypse. Para ako ngayong nasa langit... Langit?!

Mabilis akong napadilat at napabangon. Napanganga akong napatingin sa kalangitan na natatabunan nang matatayug na puno. Nandito talaga ako. Hindi ako nananaginip. Totoo ang nangyari kahapon.

Naalala ko ang lalake— Napalingon ako sa likod ko kung nasaan ang lalakeng yun. Napahinto pa ako nang makitang seryoso siyang nakatingin saakin habang nakasandal sa semento ng kuweba.

"Gising kana", masayang bati ko at nagmadaling bumangon.

Bahagya pa akong napahinto nang makitang dahon lang ang itinapis ko sa katawan ko. Wala namang mali sa suot ko, nakaka primitive feeling lang talaga. Gosh, wala pa naman akong suot sa baba dahil pati yun ay nabasa pero—

Umayos ang tayo ko at hinarap ang lalake. Kahit ganito ang suot ko, alam kong napaka sexy ng itsura ko ngayon. Ako lang naman ang isa sa mga habol habol ng isang sikat na fashion magazine sa apocalypse world nayun. Oo, I'm Ember Laurice Martinez, the one and only model goddess slash actress. I believe that even if I wore beggar’s clothes, I would still be beautiful with a sexy, well-shaped body.

Napa pose pa ako ng tatlong beses ipinapakita ang well made leaves two piece I'm wearing. Napahinto lang ako ng ma kontento.

Napatingin ako sa lalakeng akala ko ay mapapatulala sa beauty ko pero...

Ang mukha niya parang hinulma lang sa iisang reaksyon. Paano ba naman, kung walang reaksyon, makatingin naman siya saakin na para bang may binabalak akong gawin sakanya.

"Anong klaseng mukha yan. Ako na nga itong tinulungan ka e", sabi ko na as if wala siyang ginawang tulong saakin kahapon.

"Nakakapagsalita ka", nangunot ang noo niya at mukhang nagtaka pa.

"Of course, I can! Hindi ako pepe no!", sagot ko kaagad dito na as if nagkakaintindihan kami kahapon.

Napahinto siya tsaka nag iwas ng tingin saakin. Napasimangot naman ako. Anong klaseng reaksyon to? Wala man lang thank you.

"Oi, patingin ako sa sugat mo. Titignan ko lang kung hindi ba inu-od", lumapit ako dito at para makapantay siya, naupo din ako sa tabi nito.

Para naman itong pusa na umiwas sa plano kong paghawak sa nakabalot niyang sugat.

"Wag kang umiwas, titignan ko nga eh", hindi ko mapigilan na higpitan ang pagkakahawak sa braso niyang plano niyang e layo saakin.

"...", nagkatinginan kami. Pakiramdam ko ay may gusto siyang sabihin pero sa huli ay umiwas lang siya ng tingin at hinayaan ako.

Napaismid naman ako. Ipapakita din naman pala, may paiwas iwas pa siyang nalalaman.

Tinanggal ko ang tela at tinignan ang sugat niya. Napakunot ako sa nakita. Teka, ano to?

"Bakit magaling na to? Imortal ka?", nagulat ako sa nakitang sugat niya. Kung hindi lang sa pamilyar na itsura ng malim niyang sugat, iisipin ko pang sugat ito na nakuha niya matagal na taon pa. Paano ba naman, ang sugat na siyang dumudugo kahapon ay naging peklat nalang ngayon.

"Imortal? Hindi, sa tingin ko nag awakened lang ako", tumingin siya saakin na parang hindi pa sure sa sagot niya.

"Awakened ka? Ibig sabihin imortal ka nga? Kung kaya mong e heal ang sarili mo, hindi kana magkakasugat pa!", excited na sabi ko dito.

Ngayon lang ako nakakita ng ibang awakened ability. Hindi ko nga alam na may imortal ability eh. Pero kung kaya kong manipulahin ang size ng mga bagay, ang pagiging imortal ay hindi na impossible.

"Hindi...",

Hindi ko mapigilan na yakapin ang malaking braso niya. May na isip ako! Palagi ko tong nakikita sa apocalypse world kaya possible ko tong gawin dito. Sa totoo lang ayaw kong maging katulad ng mga babaeng humahabol sa mga lalake para lang maprotektahan sila nito. Well, ang hinahabol lang naman nila ay malalakas at hindi gwapo pero ang isang to, hindi lang malakas, may gwapo na ngang mukha, may masarap pang katawan. Hehehe, it feels like buy one get three!

[Ting! Energy detecting! Energy Points: 1]

[Ting! Energy Points: 2]

[Ting! Energy Points: 3]

Nagtaka ako sa lumabas na screen sa harapan ko. Anong ibig sabihin nito? Saan nanggaling ang energy.

Takang taka ako at napabitaw sakanya at napatingin sa paligid. Saan ba galing ang energy nayan? May tower ba dito na nag se-send ng signal?

"Ehem, mag bihis kana siguro",

"Huh?", bumalik sakanya ang tingin ko. Eh? Bakit nawala na ang energy detected ko? Huh? Anong sinasabi niyang magbihis ako?

Napatingin ako sa suot ko at saktong pagbaba ng paningin, ang ginawang pang tali ko na pangkapit sa top ko ay biglang naputol. Bumagsak ang top ko at napansin ko pang nakaharap pa siya saakin.

[Ting! Energy Detecting! Energy Points: 10]

"Ahh!", napasigaw ako at napatakip sa dibdib ko.

Nagmadali akong tumayo.

"'Wag kang titingin, pervert!", nagmadali akong naglakad sa kung saan ko ipinatuyo ang damit ko kahapon.

Parang pumunta lahat ng dugo ko sa ulo ko. Nakakahiya, bakit yun nangyari nang nasaktuhan niya? Ahhhh! Wala talaga akong tiwala sa craftsmanship ko! Hinding hindi na ako mag eembento ng ganitong suot!

—

"Saan ka pupunta?", napasunod ako ng tingin sakanya nang bigla nalang itong tumayo. Nakayuko ako ngayon at sinusubukang paliwanagin ang apoy.

Hindi ako sanay sa ganitong camping kaya hindi ko naisip na panatiliing nakasindi ang apoy dahil malalim ang tulog ko kaya ang ending. Nang gumising ng umaga, wala na yung apoy na ginawa ko kahapon.

Ang malas ko din talaga, yung lighter ko kahapon ay nahulog ko sa cave pool kaya ito ako ngayon, sinusubukang paapoyin ang tuyong kahoy gamit ang primitive way.

"Kukuha ng pagkain", sagot naman niya at wala naman akong balak na pigilan siya.

Akala ko lang kasi ay iiwan niya ko. Paano kung iwan niya ko? Hindi ko nga alam kung nasaan ako ngayon pero isa lang ang sure ako—hindi ito ang apocalypse world na pinanggalingan ko.

Maliban sa nakaharap na hamilaw at mga patay na katawan sa baba ng cave, nakakamangha nangang makakita ng napaka healthy na gubat na ito. Pakiramdam ko, kahit kung saan ako titingin makakakita ako ng makakain na prutas.

Binalik ko ang aking paningin sa ginagawa pero bigla ay may naalala ako.

"Pero wala siyang dalang pang proteksyon.", wala man lang akong nakitang dagger sakanya. Paano kung madami pa ang mga halimaw sa malapit? Dudugo na naman ba yung sugat niya? Hindi ko dapat hinayaang gumalaw galaw ang pasyente na yun.

Napatayo ako at tumingin sa ibaba ng cave. Sinusubukan kong tignan kung nasaan siya pero hindi ko man lang mahagilap ang anino niya.

Napabuntong hininga ako. Wala sanang mangyaring masama sakanya, baka katulad kahapon, iinda na naman siya.

Bumuntong hininga ako at pumasok sa loob ng cave para kumuha ng tubig. Bigla ay naalala ko ang system. Para saan ba ang Energy?

"System", tawag ko dito pero hindi lumitaw ang screen. "System, para saan ang energy points?"

[Ting! Opening Spin the wheel]

Spin the wheel? Ano naman kaya ang makukuha ko dito?

Lumiwanag ang mata ko. Tinignan kung ano ang meron sa speen the wheel.

- Wooden Spear Manual

- Hand Axe Manual

- Flint Knife Manual

- Scraper Manual

- Hammer Stone Manual

- Fire starter Manual

- Luck

- Jackpot

[Refresh Time - 13:00]

What the hell? Ano to? Nasa stone age ba ako kaya ito ang lumabas?

"Wala bang iba dito? System, baka may market ka?", akala ko mag rerespond ito saakin pero walang nangyari.

Napangiwi ako. Sobrang kuripot naman ng system na ito.

"I don't have a choice", inis kong bulong tsaka tinignan kung magkano ang isang spin niya. Ngayon, may 10 Energy Points ako.

[3 Points per spin]

Hmmm, parang ang mahal naman ata. Hindi naman worth it yung nasa spinning wheel.

Kagat sa ibabang labi akong napapindot sa gitna ng spinning wheel.

[Ting! Congratulations! You received Flint Knife Manual]

Bigla ay may nag unlock na feature sa screen. Noong una may Energy Points, at Spinning wheel lang ito pero ngayon may katabi na itong Manual List. Pinindot ko yun at napunta ako sa kung saan nakalagay ang Flint Knife Manual. Pinindot ko yun at parang libro itong bumukas. May nakalagay na Page number 1, nakalagay ang materials na kakailanganin, Flint, Binding materials (Plant fibers, sinew, or rope), Hammer stone, wooden handle. Pinindot ko ang next page. Nakalagay naman doon kung paano ito buohin.

Napaka detailed pero aanhin ko naman yang Flint Knife? Mas maganda pa nga yung pocket knife ko kesa dito.

Umismid lang ako at bumalik sa spinning wheel. Muli ko yung pinindot.

[Ting! You received Luck, please try spinning again! Luck added: 1]

Huh? What the hell? My 3 Points disappeared just like that?!