Aaj aasman me kale badalon ki gatayein chhayi hui hai. Thandi thandi hawa chal rahi hai , lehron ki awaj kano me ek alag sa sukun bhara ehsaas de rahi hai. Itne sukun bhare mausam me bhi mujhe sirf aapki yaad aa rahi hai.

Esa lagta hai ki mano mere dil le kisi kone se yahi awaj aa rahi ho ki - Kaash ! Aap yaha hote bhai...

mujhe aapki buhut yaad aa rahi hai bhai. Please aap mere paas wapis aa jaiye na.

Esa kehte huye aaru ki aankhon se anshu bahe ja rahe the. Woh kale badalon se bhare us aasman ko dekhete huye apne khayalon mein khoyi hui thi , tabhi peechhe se kisi ki awaj aati hai.

Neema - "AARUUU... AARUUU...... Tu yaha baithi hai nanima tujhe kabse bula rahi hai" ( Neema haafte huye )

Aaru - "Haan ! Aa rahi hu." ( Aaru apni aankhon ke aansu pochheti hai)

Neema - " To chal na abhi bhi yahi baithi hai."( Neema Aaru ki or aage badhte huye )

Aaru apne kano se earphone hatati hai aur Neema ko dekh kar ek peaceful smile deti hai.

Neema - "Ab ese smile kyu kar rahi hai chal uth."

Aaru - "Chal to apna hath de mujhe uthna hai." ( Aaru apna hath aage badhate huye )

Neema Aaru ke liye apna hath aage badhati hai.

Neema -"Ye le chal ab uth."

Aaru Neema ka hath pakad kar khadi ho jati hai.

Neema - "Aaru bese mujhe ek baat samjh nhi aati hai ki tu yaha roj aa kar ghanton tak kese baith jati hai, kya milta hai tujhe yaha?"

Aaru uper aasman ko dekheti hai or apni aankhein band karte huye ek sukun bhari smile ke sath kehti hai.

Aaru - "Sukun..."

Neema - "kya sukun? Woh bhi yaha, chal ab majak mat kar yaar."( Neema haste huye )

Aaru ghar ki or chalti hai aur ek gehri saans leti hai.

Aaru - "Chal ghar chalte hai bese bhi tu nhi samjhegi."

Neema - "Achha to samjhna bhi kon chahata hai teri ye bina matlab ki baate."

Aaru - "To mat samjh bese bhi samjhne ke liye dimag chahiye hota hai tu bata hai tere paas."

Neema Aaru ke peechhe bhagti hai.

Neema - "Ruk tu abhi buhut bolne lagi hai mein abhi batati hu tujhe."

Aaru bhi aage bhagti hai.

Aaru - "Are ruk ja yaar mein majak kar rhi thi."

Neema - "Haan ruk tu me batati hu majak kise kehte hai."

Neema aur Aaru ese hi masti karte karte ghar pahuch jate hai. ghar pahunchte hi Neema aur Aaru dono hi nanima ko dekhte hi bhag kar gale laga lete hai.

Nanima - "Are aaram se beta bhago mat."

Neema - "Nanima mujhe bahut tej bhookh lag rahi hai , aaj aapne kya bnaya hai."

Aaru - "Haan nanima mujhe bhi bhookh lag rahi hai."

Nanima dono ke shir par hath pherti hai.

Nanima - " Achha to tum dono hath dho lo itne me khana lagati hu."

Aaru aur Neema dono ek sath - "Jii nanima."

Aaru or Neema dono apne hath saaf karke khana khane lagte hai.

Nanima - " Aaru tum khana kha kar apna saman bandh lena subah tumhe tumare chacha lene aa rhe hai."

Ye baat sun kar Aaru ke chehere par mayusi chha jati hai or woh thodi hichakate huye nanima se puchheti hai.

Aaru - "Nanima kya mera yaha se jana jaruri hai, agar me yaha se na jana chahu to "

Nanima - " Haan beta tumhe yaha se jana hoga tumhe aage padhna bhi to hai na."

Neema nanima ko rokte huye.

Neema - "Par nanima Aaru yaha bhi to padh sakti hai na."

Aaru bhi Neema ka sath dete huye kehti hai.

Aaru - "Haan nanima neema sahi keh rhi hai me yaha rah kar bhi to padh sakti hu."

Nanima dono ko samjhate huye kehti hai.

Nanima - "Beta abhi tum sirf 10 saal ki ho tumhe nhi pata ki aage tumhe kitna padhna hai aur bese bhi baad mein to tumhe aage ki padhai ke liye sheher jana hi padega."

Neema -"kya nanima mujhe bhi aage ki padhai ke liye sheher jana padega." (Neema hairaani se puchheti hai)

Nanima - "Haan beta par Aaru ko to abhi jana padega."( Nanima Neema ke shir par hath pherte huye )

Neema - "Aaru tu chinta mat kar me yaha se jaldi padh lungi phir tere paas aa jaungi."( Neema muskurate huye )

Aaru -"To thik hai nanima mein apna saman bandh leti hu"

Aaru achanak khadi hoti hai aur nanima se kehti hai.

Aaru -"Nanima mujhe ek bahut jaruri kaam yaad aa gaya mein abhi aati hu."

Aaru bhag kar bahar chali jati hai.

Nanima - "Are beta tum ja kaha rhi ho ruko bhago mat gir jaogi." (Nanima Aaru ko rokte huye )

Neema - "Chinta mat kijiye Nanima woh ja bhi kaha sakti hai, Karn ko batane gayi hogi ki woh subah ja rhi hai." (Neema khana khate huye)

Nanima - "Ye ladki bhi na."

Aaru Karn ko aawaz lagati hai.

Aaru - " KARNN... KARNN..."

Karn apne ghar ka darwaza kholta hai or hairani se puchhta hai.

Karn - "Aaru tu yaha kya kar rhi hai? Kya hua hai?"

Aaru - "Karn mein yaha tumhe ye batane aayi hu ki subah me sheher ja rahi hu mujhe alvida kehne jarur aana thik hai, byy subah milte hai."

Karn thoda hairan ho kar khud se baate karte huye kehta hai.

Karn - "Kya sheher? Sheher ka matalab ye apne ghar ja rahi hai."

Karn jor se chilate huye Aaru se bolta hai.

Karn - "Mein jarur aaunga mera intezar karna."

To be continued......

...****************...

Aaj ki subah shurkh lal rang se rangi hui hai pakshiyon ki awaaz charo taraf se aa rahi hai. Aaru jo apne hometown jane ke liye taiyar hai par uske chehre pata nahi kis cheez ka dar saaf dikhayi de raha hai. Aur aisa lag raha hai ki wo apne dar ko chhupane ki koshish kar rahi hai.

Tabhi car ke horn ki awaaz aati hai.

Nanima - "Ye lo beta isme kuch sabji aur phal hai, pahunchte hi nikal lena warna kharab ho jayenge. Yahi ruko me aur saman bhi lati hu."( Nanima Aaru ko ek bag pakadate huye)

Aaru - "Nanima ye bahut hai, bus rhene dijiye."(Aaru Nanima ko rokte huye)

Nanima - "Beta kahan jyada hai, bus kuch sabjiyan aur phal hi to hai."

Nanima saaman ko car me rakh wa deti hai aur Mr.Kapur ( Aaru ke chacha ) se kehti hai.

Nanima -"Beta sambhal kar car chalana."

Mr. Kapur - "Jii bilkul." (Apna sir haan me hilate huye)

Aaru ko dekh kar aisa lag raha hai jaise bo kisi ka intezar kar rahi ho uski aankhein baar baar kisi ko dhoond rahi hai.

Mr. Kapur - "Aaru beta chalo ab ghar chalte hai." ( Woh Aaru ko car me baithne ka ishara karte huye)

Tabhi peechhe se kisi ki awaaz aati hai.

Karn - "AARUUU... Ruk mere liye."(Karn bhagte huye)

Karn ke pure shareer par kichad lagi hui hai aur woh apne ek hath me bahut saare kamal ke phool pakade huye Aaru ki taraf aage badhta hai.

Aaru - "Karnn....."( Dheere se kehte huye)

Karn kamal ke phoolon ko Aaru ki taraf aage badhta hai.

Karn -"Ye le Aaru mein ye tere liye le kar aaya hu."(Karn haafte huye)

Aaru Karn ko dekh kar bahut khush ho jati hai jese bo isi pal ka intezar kar rahi ho.

Aaru - "Itne saare kamal ke phool."( Aaru excited ho kar bolti hai)

Karn - "Haan tujhe kamal ke phool bahut pasand hai na." ( Karn halka sa muskurate huye)

Aaru - "Haan mujhe ye bahut pasand hai,Thank you Karn. Mujhe laga ki tu nhi aa raha hai."(Aaru apna shir halka sa jhukate huye)

Karn -"Aaru maine tujhse kaha tha na mein jarur aaunga."

Neema - "To Karn tu isliye late ho gaya tha in phoolon ki wajah se." ( Neema thodi hairan ho kar puchheti hai)

Karn -"Haan Neema tu sahi keh rahi hai."

Mr.Kapur - "Aaru beta chalo ab chalte hai aao car me baitho."

Aaru apna sir haan me hilati hai or car me baith jati hai. Tabhi Neema Aaru ko sir par pinch karte huye kehti hai.

Neema - "Aaru waha jake rone mat lag jana bus kuch saal hamara intezar karna phir hum bhi tere paas aa jayenge."

Karn bhi apna sir haan me hilate huye.

Karn - "Haan Aaru hum tere paas jarur aayenge."

Aaru - "Haan thik hai mein bhi tum dono ka intezar karungi."

Aaru apna hath hilate huye sabhi ko alvida kehti hai.

Aaru - "Byy...Byy..."

Sabhi ek sath - "Byy.. Byy.. Aaru jald milenge apna khayal rakhna."( Car ke chalne ki awaaz)

Aaru ek baar sabki taraf udaasi nazaron se dekhti hai aur apna chehera saamne kar leti hai uski aankhein nam ho jati hai, Aaru ko dekh kar aisa lagta hai jaise maano uska man rone ka kar raha ho par bo ro nhi paa rahi hai.

Two Hours Later...

Car ki rukne ki aawaz...

Mr. Kapur - "Aaru ye lo hum apne ghar aa gaye hai chalo ab tum ander jao mein car park karke aata hu."

Aaru -"Jii chacha." ( Aaru thodi sehmi huyi awaaz mein kehti hai )

Aaru jaise hi ghar ke darwaze par aati hai wahan par use chachi khadi huyi dikhti hai jo uska intezaar kar rahi thi. Chachi ko dekh kar aaru ke chehere par ek sukun bhari muskurahat aa jati hai, aur wo chachi ko ja kar gale laga leti hai.

Chachi - "Aaru kitne dino baad tumhe dekh rahi hu , mein kab se tumhara intezaar kar rahi thi, tum thak gyi hogi na chalo muh hath dho lo phir khana kha lena aur thodi der aaram bhi kar lena."

Aaru -" Haan mein abhi aati hu."

Aaru apna bag utaar kar sofe par rakh deti hai aur apne muh hath dhone lagti hai.

dadi wahin ek kursi par baithi hoti lekin wo aaru ko ek nazar bhi nhi dekhti hai jaise unhe ye pata hi nahi hai ki Aaru yahan par hai.

Chachi dadi se kehte huye.

Chachi - "Aaru wapis aa gayi hai to ghar kitna sukun bhara lag raha hai na warna yahi ghar pehle khane ko doudta tha hai na maa."

Dadi Chachi ki ye baat sun kar muh bnate huye kehti hai.

Dadi - "Kya sukun? Haan sukun ka to pata nhi par ye wapis aa gayi to hamare ghar me badkismat ne jarur apne kadam rakh diye honge.

Chachi - "Maa aap ye kesi baat kar rahi hai chhoti bacchi ke saamne." ( chachi dadi ko tokte huye )

Dadi -"To mene galat kya bola hai ye wahi to hai jo paida hote hi apne maa baap ko maar dala, ye ladki hamare ghar ke liye ek curse hai jisse hume har haal me jhelna padega."( Dadi Aaru ki taraf nafrat bhari nazaron se dekhte huye)

Chachi - "Maa ab bus kijiye Aaru abhi buhut chhoti hai apki in baato ka us par kya asar padega." ( Chachi Aaru ko apne peechhe karte huye bolti hai)

Ye sun kar dadi uth ti hai or sakt lehje me bolti hai .

Dadi - "Ye yaha rah to rahi hai par isse keh dena mere paas aane ki koshish bhi na kare."( Dadi bahar ki or chali jati hai)

Dadi ki ye baate sun kar Aaru andar se puri tarah toot jati hai uski aankhon se aanshu lagatar girte hi ja rahe hai wo khud ko sambhalte huye chachi se puchheti hai.

Aaru - "Chachi Dadi aakhir mujhse itni nafrat kyu karti hai."

Chachi - "Nhi beta aisi baat nahi hai dadi tumse nafrat nahi karti hai. (Chachi Aaru ke aanshu pochhete huye)

Aaru -"To phir wo mujhse kabhi pyar se baat kyu nahi karti hai."

Aaru ki ye baate sun kar chachi uske is sawal ka koi jawaab nahi de pati hai, ye dekh kar ki chachi ke paas is baat ka koi jawaab nahi hai Aaru apne kamre ki taraf chup chap jane lagti hai,chachi use rokte huye kehti hai.

Chachi -"Beta ruko to meri ek baar baat to suno."

Aaru bina kuch bole seedhe apne kamre me chali jati hai or apne kamre ka door band kar leti hai.

itne me chacha andar aa jate hai aur chachi ko aise Aaru rokte huye dekh kar chachi ke paas aa kar puchhete hai.

Chacha - "Yaha hua kya hai? maa bhi ghar se bahar bahut gusse me gayi thi."

Chachi -"Kuch nahi wo hi hua tha jo hamesha hota hai."

Chacha chachi ko sambhalte huye kehte hai.

Chacha -"Sayad ab yahi hamari Aaru ki kismat hai usne itni si umar me pata nahi kya kya jhela hai pehle bhaiya aur bhabhi use chhod kar chale gye aur ab Vasu bhi uper se maa ke aise shabdon ka pata nhi us par kya asar padh raha hoga."

Chachi - "Haan Aaru sach me andar se toot gayi hongi, mujhe kabhi kabhi lagta hai ki use andar se itna strong bhi nahi hona chahiye tha."

Chacha - "Haan mujhe bhi ab yahi lagta hai bese kya usne kuch khaya."

Chachi apne sir ko na me hilate huye.

Chacha -"To use kuch khila dena abhi mat jana thodi der baad uske paas jana aur haan ab uska khayal hume hi rakhna hai abhi wo buhut chhoti hai."

Chachi ke aankhon me aanshu hote hai wo apne aanshu pochhete huye dheeme se bolti hai.

Chachi - "Hmm.."

Chacha ek dafa chinta se bhari nazaron se aaru ke kamre ki taraf dekhete hai aur ek gehri saans lete huye chachi se kehte hai.

Chacha -"uska khayal rakhna mein chalta hu."

Chachi -"Haan aap jaaiye mein uska khayal rakh lungi."

Idhar Aaru apne hathon se apne muh ko band karne ki koshish karti hai jaise wo apne rone ki awaaz ko daba rahi ho wo har pal ye sochti hai ki aakhir wo hi kyu wo hi aisi kyu hai kya kabhi bhi ek normal life ji sakti hai aur uska jabab har taraf se na hi aata hai sayad ab uske rone ki awaaz sirf us kamre me kaid ho kar rah jayegi.

itne mein kisi ki door knock ki awaaz aati hai.

Chachi - "Aaru beta kya tum so gayi ho."

Aaru apne aanshu pochheti hai aur wo apne chehere par ek jhoothi muskurahat ke sath door open karti hai, wo dekhti hai ki chachi ke hathon mein uske liye khane se bhari plate hoti hai.

Aaru -"Chachi mujhe bhookh nahi hai mein baad me kha lungi."

Chachi kamre ke andar aati hai aur khane ki plate ko table par rakhti hai aur muskurate huye kehti hai.

Chachi -"Chahe bhookh ho ya na ho Khana khana padega chhote bachhe jyada der tak bhookhe nahi rhete hai aao mere paas mein tumhe apne hathon se khilati hu."

Aaru chachi ke paas ja kar baith jati hai aur chachi se kehti hai.

Aaru -"Chachi kya mein aapse ek baat poochhu?"

Chachi -"Haan poochho na beta."

Aaru Chachi ki ankhon mein ek umeed ke sath dekhte huye.

Aaru - "Chachi aakhir aap meri itni fikra kyu karti hai jabki dadi mujhe bilkul bhi pasand nahi karti hai."

Aaru ka is tarah se sawaal puchhna ye batata hai ki wo kitni akeli ho gayi hai, chachi ye baat sun kar bina kuch soche use gale laga leti hai aur rote huye kehti hai.

Chachi -"Aaru kyuki chachi tumhe bahut pyar karti hai meri bachhi aur ek baat hamesha yaad rakhna ki tum kabhi bhi akeli nahi ho chachi tumhare sath hamesha hai."

Aaru ko is tarah apne ehsaas chhupane ki koshish karte dekh chachi ko ye dar lag rha tha ki kahi Aaru khud ko is andhere mein band na kar le, lekin unhe apne dar par kaabu kiya aur Aaru ko apne hathon se khana khilane lagti hai.

Aaru -"Chachi ye bataiye kya meri wajah se hi mummy papa aur Vasu bhaiya is duniya ko chhod kar chale gaye."

Chachi apne aanshu ko rokte huye kehti hai.

Chachi - " Nahi beta aisa bilkul nahi hai, Arey aapne to pura khana kha liya very good, chalo ab so jao chachi ab ja rahi hai Good night achhe se sona beta."

Chachi kamre ki light band kar deti hai.

{ Sabse gehra dard tab nhi hota jab hum rote hai balki tab hota hai jab hamare poochhe gaye wo ahem sawaalon ka jawaab adhura rah jata hai...}

To be continued.....

{ Insaan kabhi bhi ek jesa nahi rahta hai uski jindagi me kuch aise pal aate hai jo use ek na ek din badal dete hai }

4 years later.......

Lehron ki wahi aawaz jo pehle sukun deti thi wahi awaaz aaj kano me aise chub rahi hai jese samundra ki har ek lehar apne dukh ki dastaan suna use rahi ho.

Aaru khamosh nazaron se un lehron ko dekhe ja rahi thi jo raat ke andhere mein aur jyada mayus lag rahi thi.

Aaru ke umar ke bahut se bachhe high school me jane ki khushi me beach par masti kar rahe the wahi Aaru bilkul chupchap kano me earphone laga kar apne khayalon me hi khoyi huyi baithi thi.

Tabhi wahan ek jani - pehchani awaaz sunayi deti hai jo Aaru ko pukar rahi thi.

Karn - "Suno...Tum yaha aise akele kyu baithi ho."

Aaru ek nazar karn ki taraf karti hai use woh bahut jana pehchna lagta hai par wo samjh nhi pati ki ye kon hai aur usse aise kyu bol raha hai Aaru usko andekha karti hai aur apna chehera saamne ki taraf kar leti hai.

Karn apne man me hi sochta hai.

Karn -"Kya ye mujhe pehchan nahi pa rahi hai ya jaan bujh kar andekha kar rahi hai."

Karn kuch der soch kar aage bolta hai.

Karn- "Suno miss aap mujhe andekha kar rahi hai kya ?

Aaru koi jawaab nahi deti hai aur use puri tarah se nazar andaz karti hai.

Karn - "Arey ek minute meri baat to suniye.

Aaru dheere se apna chehra peeche karti hai aur karn se kehti hai.

Aaru - "Kya hua hai? problem kya hai tumhari?"

Karn apne hathon ke ishare se Aaru ko kaan se earphone hatane ke liye kehta hai,Aaru apne earphone nikalte huye kehti hai.

Aaru -"Haan bologe ab."

Karn-"Tum yaha par itni raat me kar kya rahi ho?raat buhut ho gayi hai tumhe apne ghar jana chahiye."

Aaru apne earphone phir pehen leti hai aur karn ki baaton ko ansuna kar deti hai.

Karn -"Sayad aapko ko thoda uncha sunai deta me thoda tej bolta hu."

Karn tej awaaz me bolte huye.

Karn -"suniye miss aap yahan itni raat me kya kar rahi hai?"

Aaru apni jagah par khadi hoti hai aur peeche mudte huye pareshan ho kar kehti hai.

Aaru -"Bus karo mujhe sunai de raha hai ab jao yaha se."

Karn - "Chaliye ye to achha hai kam se kam meri baat aapke kano me pahunch to rahi hai,ab jab aapko meri baat suna hi rahi hai to ek baat aur keh hi deta hu, apne ghar jaldi chale jana kyunki raat kaphi ho gayi hai."

Karn wahan se jane lagta hai lekin woh ek dam se wapis aa kar kehta hai.

Karn - "Aur haan thoda jaldi karna tumhari chachi tumhara intezaar kar rahi hongi na."

Aaru apni chachi ka jikr ek anjaan ladke me muh se sunte hi thodi hairan ho jati hai aur uske man me ek sath hazaron sawaal aa jate hai wo sirf karn ko curious ho kar dekhe hi ja rahi thi.

Karn - "Achha byy kal milte hai."( Karn jate huye ek suspance bhari smile karta hai)

Ye hai kon?ye mujhe kese janta hai? Aur ye meri Chachi ko kese janta hai? Ise kese pata ki meri chachi bhi hai? Ye itna jana pehchna kyu lag raha hai? Aakhir ye hai kon? Ye sab sochte huye Aaru apne ghar ki taraf jane lagti hai.

Next day....

Aaru school me desk par akele baithi huyi khidki ki taraf dekh rahi hai school ke coridor me aate jate bachhon ki baat cheet karne ki awaaz aa rahi hai aur teachers attendance le rahe hai.

Is beech class me phir se wahi jani pehchani awaaz aati hai.

Karn -"May I come in sir ?"

Aaru ek nazar uski taraf dekhti hai aur uske dil me ek alag sa ehsas hone lagta hai.

Sir -"yes coming To bachhon aaj hamari class me ek new student aaya hai, New student apne aap ko introduce karo."

Karn - "yes sir hello everyone mera naam Karn hai aur mujhe aap sab logo ke sath padhne me bahut maza ayega, umeed hai ki aap sabko bhi mere sath achha lagega."

Karn apna sir jhukate huye Aaru ki or dekhta hai Aaru bhi use hi dekh rahi thi wo ek dam se apna chehera saamne kar leti hai Karn uski is harkat par jara sa muskurata hai.

Sir - "Karn tum jao peeche ki seat khali hai waha ja kar baith jao."

Karn - "yes sir."

Karn peechhe Aaru ki seat ke bagal mein ja kar baith jata hai.

Karn - "Hello Aaru kesi ho? " (Karn apna hath hilate huye kehta hai)

Aaru uske sawaal ka koi jawaab nahi deti hai or apni book open karke padhne lagti hai.

Aaru ko dekh kar Karn bhi apni book open karne lagta hai.

4 hours later...

Aaru school se apne ghar ja rahi thi tabhi ek jagah par buhut se log khade huye the wo ja kar dekhti hai to koi high school ka ladka uper building ke chhat ke boundary par khada hua tha jese woh waha se kudne wala ho Aaru jese hi apni aankhein uper karti hai to uske hath kampne lagte hai wo apna sir neeche karke tej tej chalne lagti hai jese bo kisi se dar rahi ho aur use andekha bhi kar rahi ho.

Aaru - "Ye phir se ab me kya karu woh parchhayi us ladke ke peechhe iska matlab."

Aaru bina peechhe dekhe bus apne ghar ki taraf chali ja rahi thi woh ghar pahuchte hi apne kamre me ja kar door band kar deti hai aur jor jor se haafte huye aur darte huye bolti hai.

Aaru - "kahin us kali parchhayi ne mujhe dekh to nahi liya agar usne dekh liya hoga to, ab me kya karu?"

To be continued...

...ΩΩΩΩΩΩΩΩΩΩΩΩΩΩΩΩ...