“The End Was Not The End”

She wrote the final chapter and thought the story was over.📖

But on the very night she typed “THE END,” the hero she created stepped out of the pages into her world.📒

Now the line between fiction and reality is fading, and a story that was never meant to be continue has only just begun…✨

Chapter 1: The Man Who Shouldn't Exist

Raat ke 1:47 baj rahe the.

Seoul ki thandi raat shehar ki khidkiyon mein chamakti roshniyon ke saath khamosh thi.

Ha-Yoon apne apartment ke bedroom mein baithi laptop screen ko ghoor rahi thi. Desk par coffee ka aadha khaali mug pada tha aur uske aas-paas notes, notebooks aur drafts bikhre hue the.

Teen saal.

Poore teen saal usne is novel par laga diye the.

Aur aaj...

Aaj woh khatam hone wali thi.

Laptop screen par uski novel ka aakhri chapter khula hua tha.

"Tae-Hyun stepped into the darkness alone."

Bas ek line aur.

Sirf ek line.

Ha-Yoon ne apni ungliyan keyboard par rakhin.

Kuch pal socha.

Phir dheere se type kiya:

"For the first time in his life, Tae-Hyun was free."

Usne Enter dabaya.

File save ki.

Aur screen par do shabd ubhar aaye.

The End.

Ha-Yoon kursi par peeche jhuk gayi.

Uske honton par thaki hui muskaan aa gayi.

"Finally..."

Tabhi...

Room ki light ek baar jhapki.

Phir dobara.

Ha-Yoon seedhi baith gayi.

"Huh?"

Light phir jhapki.

Is baar laptop ki screen bhi ajeeb tareeke se flicker karne lagi.

Room ka temperature achanak neeche gir gaya.

Bahut neeche.

Jaise kisi ne sardiyon ki hawa seedha kamre mein bhar di ho.

Ha-Yoon ne apne kandhon ko sikoda.

Khidki band thi.

Phir bhi parde hil rahe the.

Jaise hawa bahar se nahi...

Andar se chal rahi ho.

Uska dil dheere-dheere tez dhadakne laga.

Tabhi...

Tak.

Bookshelf se ek kitab gir gayi.

Ha-Yoon ne palat kar dekha.

Phir doosri kitab giri.

Phir teesri.

Jaise kisi ne andar se zor lagaya ho.

"Yeh kya ho raha hai...?"

Usne dheere se poocha.

Koi jawab nahi mila.

Sirf khamoshi.

Aur phir...

Usne apna naam suna.

Bahut dheemi awaaz mein.

Bahut door se.

"Ha-Yoon..."

Uske haath thande pad gaye.

"Kaun hai?"

Khamoshi.

Phir kamre ke kone mein pada andhera hilta hua nazar aaya.

Ha-Yoon jam gayi.

Andhera sach mein hil raha tha.

Jaise kaali dhund zinda ho.

Us andhere ke beech ek daraar khulne lagi.

Patli.

Lambi.

Aur dheere-dheere badi hoti hui.

Kamre ki deewaron par kaali lakeeren daudne lagi.

Hawa bhaari ho gayi.

Ha-Yoon ek kadam peeche hati.

Phir doosra.

Phir teesra.

Aur usi pal...

Ek haath daraar ke andar se bahar nikla.

Zakhmon se bhara hua.

Ha-Yoon ki saans atak gayi.

Usne cheekhne ki koshish ki.

Lekin awaaz nahi nikli.

Daraar aur badi hui.

Ek aadmi usme se bahar gira.

Dhaad!

Poora kamra hil gaya.

Kuch pal tak woh hila nahi.

Phir dheere se uthkar ghutnon par baith gaya.

Uske kapde mitti aur khoon se bhare hue the.

Kandhe par gehra zakhm tha.

Aur uski kamar se ek lambi talwar latak rahi thi.

Ha-Yoon ki nazar uske chehre par padi.

Uska khoon jaise jam gaya.

Nahi.

Yeh mumkin nahi tha.

Us chehre ko woh pehchanti thi.

Bahut achhi tarah.

Kyuki usne khud uska har detail likha tha.

Aadmi ne dheere se sar uthaya.

Aur uski thandi nazar seedha Ha-Yoon par tik gayi.

Tae-Hyun.

Uski novel ka main character.

Uske saamne khada tha.

Tae-Hyun dheere-dheere khada hua.

Tabhi uske aas-paas ka andhera zinda sa lagne laga.

Kaali dhund uske gird ghoomne lagi.

Ha-Yoon ne aankhen khool kar dekha.

Uske kandhe ka zakhm dheere-dheere band hone laga.

Khoon gaayab ho gaya.

Kapdon ke phate hue hisse apne aap theek hone lage.

Jaise waqt ulta chal raha ho.

Kuch hi palon mein uske saare ghaav gayab ho chuke the.

Ab woh bilkul waisa hi lag raha tha jaisa Ha-Yoon ne usse apni imagination mein dekha tha.

Nahi.

Usse bhi zyada.

Uski nazar itni thandi thi ki Ha-Yoon ko laga jaise woh uske andar tak dekh sakta ho.

"Yeh toh meri imagination se bhi zyada darawna hai..."

Ek aur khayal uske dimaag mein aaya.

"Aur... zyada handsome bhi."

Ha-Yoon ne turant khud ko daanta.

"Focus, Ha-Yoon!"

Tae-Hyun ki nazar ab bhi us par tiki hui thi.

Phir usne pehli baar bola.

"Tum Ha-Yoon ho."

Yeh sawaal nahi tha.

Ek sach tha.

Ha-Yoon ne muh khola.

"Ma-main..."

Lekin awaaz gale mein atak gayi.

Usne dobara koshish ki.

"Ma-main hi Ha-Yoon hoon."

Tae-Hyun ke chehre par koi reaction nahi aaya.

Na hairani.

Na muskaan.

Na gussa.

Bas woh use dekhta raha.

Ha-Yoon ne himmat jodi.

"Tu-tum..."

Usne hichki kate hue kaha

"Tum yahan kaise aa gaye?"

Kuch pal tak khamoshi chhayi rahi.

Phir Tae-Hyun ki nazar laptop screen par gayi.

Wahan ab bhi do shabd chamak rahe the.

The End.

Uska chehra sakht ho gaya.

"Tumne mujhe azaad kiya."

"Kya?"

"Maine bhi yahi socha tha ki meri duniya hi sab kuch hai."

Uski awaaz thandi thi.

"Lekin phir aasmaan phat gaya."

"Phir main yahan aa gaya."

Tae-Hyun ne kamre ka jaiza liya.

Phir darwaze ki taraf chal diya.

"Ruko!"

Woh nahi ruka.

Ha-Yoon jaldi se uske saamne aa gayi.

"Tum bahar nahi ja sakte!"

"Kyun?"

"Meri sister tumhe dekh legi!"

Tae-Hyun ruk gaya.

Neeche se halki si awaaz aayi.

Jaise kisi kamre ka darwaza khula ho.

Ha-Yoon ka rang udd gaya.

"Oh no..."

"Kya hua?"

"Soo-Min uth gayi."

Seedhiyon par kadmon ki awaaz sunayi di.

Ek-ek karke.

Paas aati hui.

"Tae-Hyun, please, abhi chup jao!"

"Main kyun chhupu?"

"Kyuki tum meri novel ke character ho!"

Aur tabhi...

Darwaze ke bahar Soo-Min ki awaaz goonji.

"Ha-Yoon? Tu abhi tak jaag rahi hai?"

Ha-Yoon ka dil doob gaya.

Usne Tae-Hyun ki taraf dekha.

Tae-Hyun ne darwaze ki taraf.

Aur phir...

Darwaze ka handle dheere se hilne laga……..

To be continue 

Announcement:

Hello everyone! Thank you so much for checking out my novel, The End Was Not The End. I hope you'll enjoy this journey filled with mystery, fantasy, romance, and unexpected twists. Your support, votes, comments, and feedback mean a lot to me. If you enjoy the story, don't forget to follow and share your thoughts. Happy reading! 💜✨

CHAPTER - 2

An Unwanted Guest..

Darwaze ka handle dheere se ghooma.

Ha-Yoon ka dil ek pal ke liye ruk gaya.

"Chhup jao!" usne dheemi awaaz mein kaha.

Tae-Hyun ne ek pal uski taraf dekha.

Phir bina kuch kahe balcony ki taraf chala gaya aur andhere kone mein khada ho gaya.

Agale hi pal darwaza khula.

Soo-Min room mein aa gayi.

"Ha-Yoon? Tu abhi tak jaag rahi hai?"

Ha-Yoon ne jaldi se laptop ki taraf dekha aur zabardasti muskurayi.

"Haan... bas novel complete kar rahi thi."

Soo-Min ne bhaun chadhayi.

"Raat ke do baje?"

"Last chapter tha."

Soo-Min ne gehri saans li.

"Tu sach mein pagal hai."

"Thank you."

"Main tareef nahi kar rahi thi."

Ha-Yoon ne hansi rokne ki koshish ki.

Uska dil abhi bhi zor-zor se dhadak raha tha.

Use darr tha ki kahin Soo-Min balcony ki taraf na dekh le.

Lekin Soo-Min ka dhyan sirf us par tha.

"Kal office bhi jana hai."

"Mujhe pata hai."

"Toh phir so ja."

"Theek hai."

Soo-Min ki nazar desk par rakhe coffee mug par gayi.

"Kitni coffee pi hai tune?"

"Bas thodi si."

"Jhooth."

Ha-Yoon ne nazar chura li.

Soo-Min ne sir hilaya.

"Seriously, Ha-Yoon. Apna khayal rakha kar."

Uski awaaz naram pad gayi.

Phir woh darwaze ki taraf mud gayi.

"Good night."

"Good night, unnie."

Soo-Min room se bahar chali gayi.

Darwaza band ho gaya.

Kuch pal tak kamre mein khamoshi chhayi rahi.

Ha-Yoon ne gehri saans chhodi.

Phir balcony ki taraf mudi.

"Tum bahar aa sakte ho."

Tae-Hyun dheere-dheere andhere se bahar nikla.

Uski thandi nazar seedha Ha-Yoon par tik gayi.

"Kya woh chali gayi?"

"Haan."

Ha-Yoon ne apne baal peeche kiye.

"Ab mujhe batao."

"Tum meri duniya mein kaise aaye?"

Tae-Hyun kuch pal chup raha.

"Mujhe nahi pata."

Ha-Yoon ne bhaun chadhayi.

"Kya matlab tumhe nahi pata?"

"Ek pal main apni duniya mein tha."

"Agla pal yahan."

Ha-Yoon ne bechaini se poocha,

"Aur kyun aaye?"

Is baar Tae-Hyun ne seedha uski aankhon mein dekha.

Phir uske honton par halki si smirk aayi.

Pehli baar.

"Shayad..."

"Woh saari museebatein yaad hain jo tumne meri zindagi mein likhi thi?"

Ha-Yoon ka gala sookh gaya.

Tae-Hyun ek kadam aage badha.

"Shayad main unka hisaab lene aaya hoon."

"Kya?!"

Ha-Yoon ka chehra safed pad gaya.

Kuch seconds tak Tae-Hyun use dekhta raha.

Phir usne nazar hata li.

"Dar gayi?"

"Tum mazaak kar rahe ho na?"

"Tum batao."

Uski smirk aur gehri ho gayi.

Ha-Yoon ne takiya uthakar uski taraf phenka.

"Tum pagal ho!"

Tae-Hyun ne aasani se takiya pakad liya.

Uske chehre par phir wahi halka sa mazaak udaane wala expression tha.

Pehli baar Ha-Yoon ko ehsaas hua ki usne apni novel mein Tae-Hyun ko jitna samjha tha...

Shayad woh usse kahin zyada complicated tha.

Kuch der baad kamra phir khamosh ho gaya.

Ha-Yoon ne dheere se kaha,

"Tum chaho toh aaj raat yahin ruk sakte ho."

Tae-Hyun ne uski taraf dekha.

"Kyun?"

"Kyuki tumhare paas aur koi jagah nahi hai."

Kuch pal ki khamoshi ke baad usne sirf sir hila diya.

Uske baad dono ne zyada baat nahi ki.

Ha-Yoon poori tarah thak chuki thi.

Uski aankhen dheere-dheere band hone lagi.

Aur kuch hi der mein woh so gayi.

Lekin...

Tae-Hyun nahi soya.

Woh balcony mein aakar khada ho gaya.

Uski nazar saamne phaile Seoul par thi.

Har taraf roshniyan thi.

Unchi imaratein.

Chamakti sadkein.

Aur ajeeb si khamoshi.

Yeh duniya uski duniya se bilkul alag thi.

Uski duniya mein jang thi.

Talwaron ki takrahat thi.

Dhokha tha.

Khoon tha.

Aur dard tha.

Usne mutthi kas li.

Uske zehan mein purani yaadein ubharne lagi.

Ladaaiyan.

Khoye hue log.

Aur woh dard jo saalon tak uska peecha karta raha.

Phir use apna aakhri din yaad aaya.

Aasmaan achanak phat gaya tha.

Jaise haqeeqat ko kisi ne cheer diya ho.

Ek ajeeb si roshni.

Phir andhera.

Aur jab usne dobara aankhen kholi...

Toh woh Ha-Yoon ke kamre mein tha.

Tae-Hyun ki bhaun sikud gayi.

"Main yahan kyun hoon?"

Koi jawab nahi tha.

Sirf thandi hawa.

Uski nazar kamre ke andar gayi.

Ha-Yoon gehri neend mein so rahi thi.

Wahi ladki...

Jisne uski poori zindagi likhi thi.

Uski khushiyan.

Uska dard.

Uski har ladaai.

Achanak uske zehan mein ek khayal aaya.

Uski zindagi mein jo bhi museebatein aayi thi...

Har dard.

Har nuksaan.

Har tanha raat.

Sab kisi na kisi tarah Ha-Yoon ki wajah se tha.

Kyuki uski duniya mein hone wali har ghatna...

Ha-Yoon ne hi likhi thi.

Usne hi usse dard diya tha.

Usne hi uske raaste mein mushkilein rakhi thi.

Usne hi usse itni ladaaiyan ladwayi thi.

Tae-Hyun ki nazar Ha-Yoon par tik gayi.

"Kya tum jaanti bhi ho..."

Usne dheemi awaaz mein kaha.

"Ke tumne mere saath kya kiya hai?"

Kamra khamosh raha.

Ha-Yoon ne neend mein karwat badli.

Lekin usne kuch nahi suna.

Tae-Hyun ne nazar hata li.

Uske dil mein gussa tha.

Lekin saath hi ek aur ehsaas bhi tha.

Uljhan.

Kyuki agar Ha-Yoon ne uski zindagi ka dard likha tha...

Toh usne uski har jeet bhi likhi thi.

Usne usse toda tha.

Lekin har baar use khada hona bhi sikhaya tha.

Aur shayad isi baat ne Tae-Hyun ko sabse zyada pareshan kar diya.

Pehli baar usse samajh nahi aa raha tha...

Ke Ha-Yoon uski dushman thi...

Ya uski kahani ka sabse zaroori hissa.

Balcony ke bahar raat aur gehri ho gayi.

Aur Tae-Hyun wahin khada raha.

Apni purani duniya ko yaad karta hua...

Aur is nayi duniya ke raaz samajhne ki koshish karta hua.

To be continue ✨📖