Ye kahani ek ladki ki hai,

jo bachpan se hi khamoshi me badi hui.

Shehar se gaav tak ka safar,

rishton ka dard, aur pyaar par se uthta bharosa.

Ye sirf ek kahani nahi,

balki us ladki ki zindagi hai

jo hamesha samjhi gayi —

par kabhi suni nahi gayi.

Chapter 1

                Khamoshi ki shuruat

Ek ladki thi jo apni mummy, papa, bhai aur behen ke saath Indore me rehti thi.

Ghar shehar ke beech tha, lekin us ghar me sukoon kabhi nahi tha.

Uske papa bachpan se hi bahut strict the.

Itne strict ki ghar me rehna bhi aksar darr jaisa lagta tha.

Woh chhoti si ladki jab sirf school ja rahi thi,

tabhi use samajh aane laga ki kuch ghar sirf chhupne aur sehne ke liye hote hain,

wahan pyaar nahi, sirf khauf aur chup rehna hota hai.

Mummy ko aksar chup rehna padta, aur us ladki ke liye ye normal lagta gaya.

Chhote chhote pal, jaise mummy ke aansu chupke se pochna,

ya papa ke kadwe shabdon se dar ke saath bachi ki aankhon me pani aana…

yeh sab uske bachpan ka hissa ban gaye.

Indore me uski padhai sirf teesri class tak hi chal paayi.

Phir zindagi ne use gaav le aaya.

Shehar peeche chhoot gaya, par yaadein saath chal padi.

Gaav aane ke baad bhi woh hamesha ek roti hui ladki hi rahi.

Usne aksar apne papa ko sharab ke nashe me dekha,

unki kadwi baatein suni,

aur har baar uske andar ka darr aur gehra ho gaya.

Kabhi kabhi, raat ko jab sab so jaate,

woh chhupke se aangan me jaakar sirf sitaron ko dekhti.

“Kya mere sapne bhi kabhi poore honge?”

ye sawal uske dil me baar baar ghoomta.

Dard itna gehra tha ki bolna mushkil ho gaya.

Dheere-dheere chup rehna uski aadat ban gaya.

Aur har muskaan ke peeche, ek chhoti si ladki ka toota hua dil chup gaya

Uska gaav ek chhote se shahar me tha usne apni 4th class wahi se ek private school me kri woh school van se jati thi tb usse koi aisa Mila jisne uss ladki ki chhupi huyi muskan ko wapis uske chehre pr le aaya .....

Us raat, jab poora gaav so gaya,

Meera akeli aangan me khadi thi, sirf sitare dekh rahi thi.

Andhera sirf ghar ke andar nahi, uske dil me bhi tha.

Tabhi ek awaaz ya phir koi silsila… door se aaya,

itni halki si harkat, itni familiar,

ki Meera ka dil dhadak utha.

Us pal Meera ne socha…

“Kya ye sirf ek aur din ka darr hai,

ya koi nayi chiz meri zindagi me aa rahi hai?”

Wo nahi jaanti thi…

4th class me jo ladka aayega,

wo sirf ek ladka nahi,

balki uske liye ek nayi duniya ka raasta banega.

Van me jab usse pehli baar dekha, tab bas ek halki si jaanne ki ichha hui. Kuch khaas nahi, bas normal curiosity. Dheere-dheere baat honi shuru hui aur wahi se dosti ki shuruaat ho gayi.

Us ladke ka naam Raaj tha. Woh dusre school me padhta tha, lekin Meera aur Raaj ek hi van me jaate the. Van ka safar bas safar nahi reh gaya tha—wahan mazaak-masti hoti, hasi-mazaak chalta, kabhi antakshari kheli jaati.

Kabhi gaane ke bol bhool jaate, kabhi kisi ko jaan-boojh kar haraya jaata. Us shor-sharabe me dosti dheere-dheere gehri hoti chali gayi.

Chaar saal aise beete mano koi hawa ka jhoka aaya or chla gya...

Saath baithna, baatchit karna, chhoti-chhoti baaton par hansna…

waqt kab beet jaata, Meera ko pata hi nahi chalta tha.

Jaise-jaise Meera badi hoti gayi, waise-waise Meera ke dil me Raaj ke liye kuch badalne laga. Pehle jo bas dosti thi, dheere-dheere feelings me badalne lagi. Lekin yeh feelings sirf Meera ke dil tak hi simit thi—Raaj ko is baare me kuch bhi pata nahi tha.

Din beet-te gaye aur Meera ki feelings aur gehri hoti chali gayi. Dosti kab pyaar me badal gayi, Meera ko khud samajh nahi aaya.

Ab roz ussi seat par baithna jahan Raaj aakar baithta tha, usse baatein karna—sab kuch Meera ko achha lagne laga. Woh chhoti si van ki duniya Meera ke liye kaafi ho gayi thi.

Lekin har kahani seedhi nahi hoti.

Kahani me ek twist tab aaya…

jab Meera apne pyaar ka izhaar karne gayi.

Kya lgta h twist kya hoga kya meera izhaar kr payengi apne pyar ka ....... Wait and watch