Khamoshiyon ka shor kitna kolaahal machaata hai,
Dil jab , har dhadkan ke saath.....
Tujhe awaaz lagaata hai,
Kya tumhe yaad bhi aate hain hum?
Laut kar aati magar ,
Jab koi sadaa nahi
Tumhe kya pata......
Tanhaaiyon mein kitne khwaab jalte hai ,
Aur kitne raakh hote hai hum ......
Tumhe Kya Pata.......
Tere hone ka tilasm , rooh ko chir,
Chhupe askon ka shailaab le aata hai,
Tere kaandhon pe panaah ki ummid mein ,
Kaise wo har pal chatpataata hai ,
Tumhe Kya Pata.......
Khak mein milti hai ....... tab,
Kayi bina puranviram ke adhoori chitthiyan......
Halak mein dabi reh jati hai, kitani hi sisakiyan
Tumhe Kya Pata.......
Kitne jaar jaar hote hain hum,
Tumhe Kya Pata.......
