Chapter 1 Ang Muling Pagkabuhay

Isang malakas na sigaw ang bumulabog sa mga kasambahay. Nagpuntahan ang lahat sa isang kwarto. “Sir, ano po ang problema?” tanong ng kasambahay sa binata na hindi umiimik at nakatingin lang sa kaniyang mga palad. “Binangugot po yata kayo sir, kukuha muna ako ng malamig na tubig” dagdag pa ng katulong. (Sigh) Panaginip lang ba to? tanong niya sa sarili.

May mga ala-ala na bumabalik sa kanyang isip na naging dahilan ng labis na pagsakit nito. Dali-dali siyang pumunta sa isang malaking salamin at nakita niya ang isang maginoong binatilyo. “Kaya pala! Nauunawaan kona ang lahat. Ako ay sumapi sa katawan ng isang binatilyong nagtangkang magpakamatay (nakatingin sa mesa na puno ng sleeping pills). “Ang saklap ng buhay mo Lauro, mayaman ka nga pero ikaw ay inaapi ng sarili mong kamag-anak.”

Namatay ang ina ni Lauro nang isinilang siya sa sinapupunan nito. Magmula noon ay pinabayaan na siya ng kanyang ama na isang retired General at sinisisi siya ng lahat sa pagkawala ng kanilang ina. Si Lauro ang bunso sa limang magkakapatid, ang tinuturing black sheep ng kanilang pamilya. Lumaki siya na walang kakampi at laging hinahamak ng kanyang mga kapatid. Naawa si Lapu-lapu at nagpasyang mabuhay muli bilang si Lauro. “Mapalad ka Lauro dahil mukhang dininig ng Bathala ang iyong mga hiling. Ako na labis ang kagustuhang mabuhay at ikaw na may kagustuhang mamatay.

Limang taon na ang lumipas mula nang ako ay namatay at muling nabuhay sa katawan ng ibang tao. Ang laki na ng pinagbago. Nabuhay ako sa hinaharap? (Sigh) ito ay isang malaking kalokohan” wika ni Lauro habang nagbabasa sa silid aklatan. Nagpasya siya na maglibot sa kanilang Exclusive School sa kolehiyo. Habang nag lalakad siya ay nadadaanan niya ang ibat-ibang sports club ng kanilang paaralan ngunit ang nag-iisang laro na pumukaw ng kanyang atensiyon ay ang “fencing club”. Nagulat ang lahat dahil bigla nalang pumasok si Lauro sa silid. Naalala pala nito na dating miyebro si Lauro sa fencing club. Dinampot ni Lauro ang isang espadang kahoy at bumalik sa kanya ang mga alaala niya bilang isang mandirigma at pinuno ng kanilang tribu. Habang tahimik na nakatayo si Lauro sa gilid ay biglang may isang bag ang tumama sa ulo ni Lauro. Lumapit ang tatlong lalaki kay Lauro habang tumatawa ng malakas. “ Tingnan mo nga naman, nagkita na naman tayo Lauro” wika ni Alex. Hindi umimik si Lauro at sa halip ay lumakad siya papalayo bitbit ang kahoy na espada. Napahiya si Alex dahil hindi siya pinansin ni Lauro at galit na sumugod. Kumuha ito ng isa pang kahoy na espada upang paluin si Lauro sa likod. Nanlaki ang mga mata ng lahat dahil nasangga ni Lauro ang pag-atake ni Alex gamit ang hinahawakan nitong kahoy na espada. Si Alex ay isang mahusay na manlalaro ng fencing at marami na itong napanalunan na tropiyo mula sa ibat-ibang bansa. Sa kabilang bahagi ay napalingon si Dexie, ang presidente ng naturing club. Lumapit ito sa dalawa at sinabi “ano ang ginagawa mo Alex? Alam mo naman siguro na bawal ang manakit ng sariling ka grupo.” Natigilan si Alex at sinabi niya na gusto niyang hamonin si Lauro sa isang duelo. Hindi sumang-ayon si Dexie dahil alam niya na masasaktan lang si Lauro dahil wala pa itong kasanayan sa pakikipaglaban. “Pumapayag ako.” Mahinang tugon ni Lauro. Nagtaka ang lahat kung bakit pumayag si Lauro. Si Dexie ang pumagitan sa laban, bakas sa mukha ni Alex ang masamang ngiti. Dali-daling sumugod si Alex at nagpakawala ng ilang kombinasyon sa pagsalakay, ilang saglit pa ay bumulagta kaagad ito sa sahig. Tumahimik ang lahat at dahan-dahang lumabas si Lauro sa silid.

***Download NovelToon to enjoy a better reading experience!***