Prologue

Third Person's Point of View

"Glenny! Bilisan mo! Ano ba!? Why so bagal kumilos!? Argggh!" Pagdadabog ni Gina sa kaibigan niyang si Glenny na pababa palang ng kanilang kotse.

"Oo na, eto naman masyadong atat kala mo maganda. Psssh!" Pabulong na tugon ni Glenny at nagmamadaling naglakad para makahabol sa kaibigan.

"See!? The sun is about to set na and hindi pa tayo nakakapagselfie! Naghihintay na yung mga fans ko sa Enstagrame kaya dalian mo na and bring out the phone! Ambagal!" Pagrereklamo ni Gina na pasekretong inirapan naman ni Glenny.

*Snap* *Snap* *Snap*

"Isa pa daliiiii!" Sambit ni Gina at nagpose sa camera ng parang walang bukas.

*Snap* *Snap* *Snap*

"Gina, beshy ang dilim na, I think we should go home na. And it's so daming lamok na here." Maarteng sabi ni Glenny sa kaibigang busy kakapose sa kanyang camera phone.

"Okey. Okey. Eto na, last na. Picturan mo ako dun sa may tree over there!" Mataray na tugon naman nito.

Kitang-kita ang pagkairita sa mukha ni Glenny ngunit wala siyang nagawa kundi sundin ang utos ng kaibigan. Naglakad sila papunta sa isang malaking puno na para bang iilang dekada nang nakatanim doon. May butas ito sa gitna at mukhang marupok na ang mga sanga nito.

Nagmamadaling lumapit si Gina sa puno at agad na umawra, kumuha naman ng magandang angulo si Glenny upang makuhanan ng magandang litrato ang kaibigan.

*Snap* *Snap* *Craaaack!*

"AHHHHHHHHHHH!" Malakas at nakakabinging tili ni Gina. Nanlaki ang mga mata ni Glenny dahil sa kanyang nakikita. May kungsino/ano ang humihila kay Gina papasok sa butas ng puno. Malakas ang pagkakahila nito at pilit na pinagkakasya ang kawawang babae sa butas na naging dahilan para magkabali-bali ang ilan sa mga buto ni Gina. Malalaking sugat, nagsikalat na dugo, maingay na sigaw at pagmamakaawa mula kay Gina ang maririnig sa buong paligid.

Nakatulala, patuloy at wala sa sariling kumukuha parin si Glenny ng litrato. Hindi ito makagalaw ng dahil sa sobrang pagkabigla, ni hindi niya magawang tulungan ang kaibigan. Nanginginig siya sa takot at unti-unting nabitawan ang cellphone na ginamit upang kumuha ng mga litrato.

Glenny unconsciously walked backwards as she witnessed her friends' last breath in front of her, her body trembled in fear while her lips began to dry and turn pale.

Hindi niya alam ang gagawin, dapat niya ba itong isumbong sa mga pulis? Paano kung siya ang pagkamalang pumatay sa kaibigan? Sin-

*Peeeeeeeeeeppppp!* *BANG!*

Ngunit sa isang iglap ay may humaharurot na kotse ang biglang bumungad sa harapan ni Glenny. Wala nang buhay ang babae na naipit sa pagitan ng isang kotse at puno, tumutulo ang kanyang dugo mula sa noo kung saan nakatusok ang isang matalim na sanga mula sa puno. Mukhang bali-bali din ang ilan sa mga buto nito at halos tumalsik palabas ang mga mata dahil sa mahigpit na pagkaka-ipit.

Bumaba ang nagmamaneho ng kotseng nakabangga kay Glenny, ngunit imbes na pagkabahala, ay isang nakakatakot na ngiti ang nakasilay sa kanyang mga labi.

"Be afraid, be so afraid.

'Cause I'll make sure not even one of you will stand awake.

Watch me as I take your life out of you,

blood will flow like river but all you can do was shake in pain and suffer." Nakangisi nitong sambit at humalakhak ng parang demonyo bago maglakad papalayo na parabang walang nangyari...

***Download NovelToon to enjoy a better reading experience!***