تبدأ الرواية بــ.............

دجى امرأه في الثلاثين من عُمرها تتميز بالملامح الهادئة والشعر الاسود الغجريّ وذات قوام نحيل لكنها تتميز بالرشاقة متجوزة من آزر في الاربعين من عُمره يتميز بالملامح الحاده الي تشبه الصقر وجسمه معضّل وحاجة آخر جمدان.

...****************...

_دجى_ عشان خاطري وافق لو مش عشان خاطري فعشان خاطر ابنك طيب

_آزر_ لا مش هجيب لابني حد غريب واقوله بص يا حبيبي جبتلك اخت جديدة تلعب معاها

_دجى_ بعياط: انت عارف ان من ساعة الحادثة وانا مش هعرف اخلّف تاني وكنت نفسي في بنوتة ففيها ايه لو اتبنيت واحده واعتبرتها بنتي وتكون في نفس سن هتان وتلعب معاه ويكونوا سند لبعض

_آزر_ اعملي الي تعمليه انا زهقت، بس خدي بالك البنت دي لما تكبر هتسافر برة مش هتقعد في العز بتاعي طول عمرها.

_دجى_ أما تكبر بقا محدش ضامن عمره، خلاص هتيجي معايا بكرة نجيبها؟!!

_آزر_ لا مش فاضي بكرة روحي هاتيها انتي.

_دجى_ تمام بس ارجوك تعاملها كويس.

...****************...

_دجى_ هتان! مش انت دايما بتقول ليا يا ماما انا نفسي في اخ او اخت يلعبوا معايا.

_هتان_ لا خلاث مُس عاوز اخوات

_دجى_ ليه بس يا حبيبي؟

_هتان_ عسان انتي هتحبيها اكتر مني ومُس عاوز اديها العابي.

_دجى_ لا يا حبيبي هحبكم انتوا الاتنين زي بعض وبعدين هتلعبوا مع بعض وهتكون مبسوط ان في حد يلعب معاك، اتفقنا!؟

_هتان_بالرغم انه مش عاوز اخوات بس مش بيقدر يرفض طلب لمامته...... اتفقنا!

...صباح اليوم التالي:...

...----------------...

_دجى_دخلت بيت الايتام: السلام عليكم.

مديرة المكان: وعليكم السلام!

_دجى_ انا كنت جايبة الالعاب دي للاطفال الي هنا وعايزه اقضي معاهم وقت وكده ، وعايزه اتبني بنت من عمر هتان.

مديرة المكان: ليه حضرتك ماشاءالله حضرتك معاكي طفل زي القمر اهو.

_دجى_ بتنهيد: من سنتين حصل ليا حادثه بالعربيه والدكتور قال ليّا للاسف مش هتعرفي تخلّفي تاني، وساعتها الخبر كان صعب عليا اوي لان كان نفسي في اخت لهتان عشان لو حصل ليا حاجة او لباباه ميلقيش نفسه وحيد في الدنيا.

مديرة المكان: آسفة لحضرتك إني فكرتك بحاجة زي دي!

_دجى_ عادي ولا يهمك.

مديرة المكان: مفيش غير بنوته تعتبر في نفس سنه بس عندها خمس سنين.

_دجى_ طيب عايزه اشوفها.

مديرةالمكان: ريتان!! تعالي هنا!

_دجى_ ماشاءالله ايه الجمال ده كله، ايه رأيك في اختك يا هتان؟!

_هتان_ حلوة يا ماما.

_دجى_ ايه رأيك يا حبيبتي تيجي تقعدي معايا وتلعبي مع هتان ويبقى اخوكي وانا ابقي مامتك!!

_ريتان_ بس انا معنديش ماما ولا بابا ازاي هتبقي مامتي؟

_دجى_ انا هبقي مامتك وهتان هيبقى اخوكي.

_ريتان_ بجد انا فرحانه اوي،،، انا موافقة طبعا.

_دجى_ البنت دي فيها قبول مش طبيعي وحاسة لو كنت بخلّف كنت جبت بنوته شبها.

مديرة المكان: تمام اتفضلي على المكتب عشان اخلص مع حضرتك الاوراق.

ريتان سلمت على صحابها ووعدتهم هتيجي تزورهم تاني و دجى وهتان قضوا اليوم مع الاطفال ولعبوا معاهم وكانوا فرحانين مع بعض.

...----------------...

_دجى_ يلا يا حبايبي روحوا اغسلوا ايديكم عشان تاكلوا، هيتان وريها الحمام.

_هتان_ بضيق: حاضر يا ماما، اتفضلي عسان اوريكي.

_هتان_ علفكره انا مس بحبك ومس عايزك تكوني اختي ومس هديكي العابي عسان انتي بتخلي ماما تهتم بيكي اكتر مني.

_ريتان_ انا آسفة بس انا عايزه اكون اختك والعب معاك.

_هتان_ لا مس هتكوني اختي ولا عمرك هتكوني اختي.

_دجى_ فين ريتان يا هتان كل ده في الحمام.

_هتان_ لا. انا سبتها فوق عشان اوريها لعبي واوضتي.

_دجى_ شاطر يا حبيبي، يلا قوم نا........

فجأه سمعوا صوت ريتان وهي بتصرخ فوق.

_دجي_ ايه ده في ايه وجريت فوق!

...****************...

***Download NovelToon to enjoy a better reading experience!***