Unknown Truth

MC (Simbhu)

ek high schooler hota hai, jise bina kisi trouble ke zindagi jeena bahut pasand hai. Wo apni family se bahut pyaar karta hai. Uska maanna hota hai ki jab family saath ho to kisi bhi tarah ki problem nahi hoti, khaaskar jab uski family desh ki top 2 richest families me aati ho.

Is baat ko wo apne classmates se chhupa kar rakhta hai, kyunki use lagta hai ki agar logon ko uski richness ka pata chal gaya to sab sirf paison ki wajah se hi usse dosti karenge.

Usi school me ek ladki hoti hai — Yannu, jo dusre section ki student hoti hai. Simbhu aur Yannu ek-dusre ko pasand karte hain, lekin dono apne emotions ko shabdon me bayaan nahi karte.

Ek din Simbhu road par walk kar raha hota hai, tab achanak uske phone par ek call aati hai.

Usse kaha jaata hai ki use turant palace aana hai.

Yeh sunte hi Simbhu bina der kiye ek taxi leta hai aur seedha palace pahunchta hai.

Jaise hi wo palace ke andar jaata hai, wo shock ho jaata hai.

Uske saamne uski family ki tasveerein hoti hain, jin par phool chadhae gaye hote hain. Un tasveeron ke niche teen bodies rakhi hoti hain, jo safed kapdon se dhaki hoti hain.

Yeh dekhte hi Simbhu ke pair kaamp jaate hain aur wo wahi ghutnon ke bal gir jaata hai.

Wo kaapte hue khada hone ki koshish karta hai, tabhi Butler jaldi se aage badh kar usse sambhaal leta hai aur kehta hai,

“Master, apne aap ko sambhaliye.”

Simbhu aansuon se bhari aankhon se Butler ki taraf dekhta hai, phir un bodies ke paas jaakar phoot-phoot kar rone lagta hai. Uski awaaz gala bhar jaane ki wajah se nikal nahi paati, phir bhi wo poochta hai ki yeh sab kaise hua.

Wo yeh bhi poochta hai ki uski didi ke poore sharir ko kapdon se kyun dhaka gaya hai.

Jaise hi wo kapda hataane ki koshish karta hai, Butler uska haath pakad leta hai.

Lekin Simbhu gusse me Butler ka haath jhatak deta hai.

Jab wo apni didi ka chehra dekhta hai, to wo zor se cheekhta hua peeche hat jaata hai.

Wahan maujood saare log apna sar jhukaye hue hote hain. Simbhu un sab ki taraf dekhta hai, lekin koi bhi apna sar upar uthane ki himmat nahi karta.

Butler sabko shaant karne ki koshish karta hai, lekin usi waqt Simbhu wahi par behosh ho jaata hai.

Butler use apni god me utha leta hai aur baaki logon se kehta hai ki Master, Miss aur Young Lady ki bodies ko Agni Pratha ke liye taiyaar kiya jaaye.

Jaise-jaise log apna sar upar uthate hain, sabki aankhon me aansu hote hain.

Jab Simbhu ko hosh aata hai, to Butler wahi paas khada hota hai.

Simbhu ko lagta hai ki yeh sab bas ek bura sapna tha, lekin Butler use sach bata deta hai.

Wo use uski family ka raaz batata hai — ki uski family Underworld ka hissa thi, jinhe Hell King kaha jaata tha.

Yeh sach Simbhu ko kabhi bataya hi nahi gaya, kyunki uske parents chahte the ki unke bete ek shaant aur normal zindagi jiyein.

Mafia world me sirf ek baat mashhoor thi — Hell King ki ek beti.

Us Young Lady ko log Pretty Killer ke naam se jaante the, aur koi bhi usse takraane ki himmat nahi karta tha.

Butler ki baat ko beech me hi kaat kar Simbhu kehta hai ki use is baat se koi farq nahi padta ki uski family underworld se thi ya nahi.

Jisne bhi uski family ke saath yeh sab kiya hai, wo uske poore khandaan ko mita dega.

Butler Simbhu ki aankhon me gussa aur badle ki aag dekh leta hai aur kehta hai,

“Yeh sahi nahi hai, Master. Aapki family chahti thi ki aap ek achhi zindagi jiyein.”

Simbhu rote hue kehta hai,

“Kaise… sab kuch ek hi pal me khatam ho gaya?”

Jab wo apni family ko aag me jalte hue dekhta hai, to apne mann me kehta hai,

“Kasam hai mujhe aapke pyaar ki… main un sab ki zindagi se har cheez mita dunga.”

Pairon ke footsteps ki awaaz aati hai. Koi kehta hai ki dusri taraf kuch hua hai.

Tabhi ek ladki ki awaaz aati hai — Ranya.

“Bas hone wala hi hai… thoda der aur rukna padega.”

Woh aadmi thoda sa peeche mudta hai aur jaane lagta hai.

Ladki ek knife ko light ki taraf uthati hai—

“Kitna pretty hai na?” woh poochti hai.

Bed par ek aadmi leta hota hai, jiske muh ke andar chhote-chhote rats ke dead bodies bhare hote hain.

Ranya room se bahar aati hai.

“Ho gaya, bhai,” woh apna paseena ponchte hue kehti hai.

Uska bhai Yuvan poochta hai,

“Koi problem toh nahi hui na? Question karte waqt… sab araam se bataya na?”

Ladki halki si muskurahat ke saath kehti hai,

“Haan.”

Yeh dekh kar Yuvan jaldi se door open karta hai aur andar chala jaata hai.

Andar ka scene dekh kar woh gusse me kehta hai—

“Yeh kya kiya tumne iski body ke saath?!”

Woh turant call karta hai.

Dusri taraf phone ring ho raha hota hai — jo ek body ke upar rakha hota hai.

Ek aadmi (Simbhu) kisi ko ulta latkaye hue hota hai aur uske stomach ke andar ants daal raha hota hai, jiski wajah se woh aadmi pain me poori tarah idhar-udhar jhatakne lagta hai.

Simbhu phone ringing dekhta hai aur pick karta hai.

Yuvan chillate hue bolta hai,

“Tu kahaan hai?! Isne yahan sab kuch bigaad diya hai!”

Simbhu bolta hai,

“Phone usse de.”

Phone Ranya ko diya jaata hai.

“Simbhu—”

“Kya karti rehti ho? Apne bhai ko zyada pareshaan mat kiya karo, theek hai?”

Ranya: “Theek hai.”

Yuvan phone lete hue kehta hai,

“Tumne ise itna pyaar se bigaad rakha hai. Kitni der me aa raha hai?”

Simbhu: “Bas thodi der me… ek kaam hai.”

Call cut ho jaata hai.

Simbhu body ke paas jaata hai aur kehta hai—

“Toh bata… ab kahaan hai? Next turn — your son.”

Aur wahan se chala jaata hai.

Doorbell bajti hai.

Ranya door open karne jaati hai. Door khulte hi saamneSimbhu khada hota hai.

Ranya khushi se uspar chadh jaati hai gale lagne ke liye, lekin Simbhu use rok deta hai aur andar chala jaata hai.

“Ab kya kar diya hai, Ranya? Iski itni complaints aa rahi hain.”

Yuvan bolta hai,

“Kya kiya hai isne? Tujhe bhi pata hai isne kya kiya hoga.”

Simbhu:

“Mujhe nahi pata, isiliye pooch raha hoon.”

Woh Ranya ki taraf aankh maar deta hai.

Yuvan gusse me kehta hai,

“Sab teri wajah se hai. Tu hi ise itna support karta hai ki yeh bina pooche kuch bhi kar leti hai. Tujhe pata hai hum isse kitni information nikal sakte the?!”

Simbhu:

“Information toh hum kisi se bhi le sakte hain. Agar yeh thoda sa khel leti hai toh kya problem hai?”

Ranya:

“Main bhi yahi kehti hoon. Bhai bina wajah mujhe rokte rehte hain.”

Woh muh phula leti hai.

Simbhu:

“Dekha? Tumne Ranya ka dil tod diya.”

Yuvan:

“Waah! Maine dil tod diya? Tum dono milke hamesha mujhe galat sabit karne ki koshish karte ho.”

Simbhu serious hote hue kehta hai—

“Denial.”

Yuvan:

“Denial se kya matlab?”

Simbhu:

“Denial… jise humne pakda tha.”

Yuvan zor-zor se hansne lagta hai.

Simbhu: “Tu hans kyun raha hai?”

Yuvan Ranya ki taraf dekhta hai.

Ranya thodi nervous ho jaati hai.

Simbhu:

“Iska kya matlab hai?”

Ranya:

“Woh… woh…”

Yuvan hansi rokta hua bolta hai,

“Isne jise maara hai na… woh Mr. Denial tha.”

Simbhu shock me—

“Kya…?”

Yuvan:

“Haan. Isiliye main ise daant raha tha. Aur tum toh iski tareef kar rahe the.”

Ranya:

“Mujhe laga ki—”

Simbhu usse ghoor kar dekhta hai.

Ranya ki aankhon me aansu aa jaate hain.

Simbhu turant khada hota hai,

“Yuvan, yeh sab teri galti hai.”

Yuvan shock me:

“Meri galti?!”

Simbhu:

“Haan. Tujhe pata hai Ranya kaisi hai, phir bhi tune pehle koi information nahi li.”

Yuvan:

“Waah, kya insaaf hai tumhara. Tum toh waakai great ho.”

Simbhu apni naak thodi seedhi karta hai.

Tabhi Yuvan bolta hai,

“Bas karo! Tum dono hamesha milke mujhe hi galat kehte ho.”

Dono ek-dusre ki taraf dekhte hain aur Yuvan ke paas aate hain.

Simbhu:

“Ranya, tumhe apne bhai ki baat maan leni chahiye. Woh jaise kahe, tumhe waise hi karna chahiye.”

Ranya:

“Haan… promise. Aage se aisa hi karungi.”

Yuvan kehta hai,

“Dekho dekho, finger cross karke bol rahi hai.”

Ranya turant finger seedhi kar leti hai.

Simbhu:

“Chal, chhod.”

Teeno ek table ke paas baith jaate hain.

Simbhu kehta hai,

“Samajh nahi aa raha… kaun ho sakta hai. Poore 7 saal ho gaye lekin—”

(In 7 saalon me woh har ek gang ko bina kisi daya ke maarta hai, aur lagbhag aadha mafia world mita deta hai.)

Tabhi ghar ke chaaro taraf se bullets aati hain, windows todti hui andar ghus jaati hain.

Yeh dekhte hi teeno apne weapons nikaal lete hain.

Kuch der baad firing band ho jaati hai.

Tabhi ek bomb andar aata hai.

Simbhu yeh dekh kar dono ko bhagne ke liye kehta hai.

Teeno poori speed se bhaagte hain.

Simbhu dono ko base ki taraf le jaata hai.

Jaise hi teeno andar ghuste hain, bomb blast ho jaata hai aur poora ghar aag me jalne lagta hai.

Bahar khade log hansne lagte hain.

Tabhi ek aadmi car se nikalta hai aur kehta hai—

“Jo meri maut banne ki koshish karta hai, woh khud maut ban jaata hai.”

***Download NovelToon to enjoy a better reading experience!***