Bung 1

...**ZUALI**...

..._____________________________...

Rintei nen chuan collage atang chuan kan chhuak a. Rintei chuan "Ka ril a tam. Tih tur a tam si. Thil ei ila?" tiin min zawt a. "Nia, keipawh ka ril a tam lutuk! Khu, thingpui dawr thar an hawng a nih khu, I zuk kal ve chhin ang hmiang?" ka ti a, tichuan kan chhuk thla zui ta a.

An thingpui dawr lah chu a lo changkang phian leh nghal, espresso machine nen lamin an lo in chhawp a. Chhun thil ei hun a nih chiah tawh log avangin mi an tam vak lo a. Kan thil duh te kan order hnu in varanda lama thutna awmah chuan kalin, ka va thu ta a.

Rintei nen chuan kan thil zir piah lamah kan nun a thil thleng kan in hrilh tawn a, amah hi ka thian tha ber a ni bawk. Hun rei lo te hunah kan thil order chu a lo thleng a. Rintei chu mi a nun a thil thleng engkim thla la a post kual thin mi a nih avangin kan thil ei hma in thla te chu an la leh rih phawt a.

Ka thiannu chuan chutia uluk taka thla a lak lai chuan kan vela thil thleng te chu ka lo thlir kual vel mai mai a. Rei lo te ah chuan, kan ei ve thei ta a. Kan thil ei zawh hnu chuan counter ah kan thil eina man pe turin ka va kal a, nimahsela, counter a nula lo ding chuan miin kan thil eina chu min lo pek sak tawh tih min hrilh a.

Ka thiannu hnenah chuan mak ti takin ka va phei a "Hey, Rinte, kan thil eina kha miin min lo pek sak daih a nia" ka va ti chiam mai a. A ni lah chuan "Ava lawmawm ve. Sum save ni mai lawm" a lo ti awlsam et mai bawk sia.

Khami zan khan 'tuin nge kan thil eina min lo pek sak ringawt duh ang aw', tiin ka in ngaihtuah nguai nguai mai a. Ka rilru chu a lawmin, tunge a nih hriat chhuah ka chak em em a.

A tuk chu inrin ni a tih avangin collage kan chawl a, exam a hnaih tawh avangin collage a kan thil zir te chu in lamah ka en nawn tlut tlut mai a. Sanna kan en chuan tlai lam dar 2 hi a lo ri der tawh mai a, chhun thil ka la ei loh avangin ka ril chu a tam tawh hle mai a. "Aw, thil ka ei phawt ang a, ka zir leh ang" ka ti a, ka thutna atang chuan tho in ka zimar a, chhun thil lei tur chuan ka chhuak zui ta a.

Dawr atanga ka let leh hnu chuan noodles siamna tur tui ka chhuang lum a. Ka chhuan lum lai chuan ka rilru ah 'Tunge kan thil eina kha min lo pek sak le?' tih bawk chu a rawn awm leh ta a. Ka bialpa hlui ni awm tak chuan ka ngaihtuah leh vung vung thin. Chhun thil ka ei zawh hnu chuan lehkha chu ka zir chhunzawm leh ta a.

Zan dar 7 a ri dawn hnai tih ah chuan zanriah ka ei a. A hnuah insil faiin mu turin ka insiam ta a. Ka mut hma chuan ka phone ah hriattirna a rawn lut a. Ka han en chuan, ka phone top up naktuka a zawh tur thuziak hi a lo awm a. "Naktukah ka thun mai ang" tiin ka mut san ta a.

***Download NovelToon to enjoy a better reading experience!***