CHAPTER 2 – Anjaani Aankhen

🕶️ Devraaj – 2025

Us raat bhi neend uske paas aayi, lekin chain usse chhoo kar nikal gaya.

Mahal ke sheeshe ke kamre me wo akela tha, ek haath me whiskey ka glass aur saamne canvas.

Brush uske ungliyon ke beech ek weapon ban gaya tha.

Aur us canvas par roz ek hi chehra ubhar kar saamne aa jata tha.

Wahi aankhen.

Usne dheere se canvas par ungli rakhi aur hont se gumgumaaya:

“Kaun ho tum? Itni gehri… jaise mere har raaz ko padh leti ho.

Main duniya ko apni marzi se nachata hoon, lekin tumne mujhe apna ghulam bana diya hai.”

Usne apne aadmiyon ko hazaar chehre dikhaye, har riyasat, har mulk ke raniyon ke tasveer, par uske dil ne kabhi haan nahi kahi.

Kisi aur ka chehra nahi… sirf uska.

Whiskey ka glass table par rakh kar usne canvas ki taraf jhuk kar kaha:

“Agar tum sapna ho… to main tumhe haqeeqat bana dunga.

Chahe waqt todna pade, chahe maut se khelna pade… tum meri banogi.”

Uski aankhon me wo junoon tha jo sirf khoon ya ishq kar sakta tha.

Aur Devraaj jaanta tha… uska ishq kisi ki maut ban sakta hai.

🌙 Jivika – 900 BC

Mandir ke shivling ke saamne ghanti ki dhun gunj rahi thi.

Jivika ne aaj fir aankhen band ki, aur usi pal dil me ek paraya sa ehsas.

Usne dekha — ek aadmi. Uske yug ka nahi, par anjaana.

Uski nazar uske dil ko cheer jaati thi.

Usne prarthana me Mahadev se kaha:

“Prabhu, yeh kon hai? Har raat mere mann me kyun utar jaata hai?

Main to ek yoddha rani hoon, pyaar ko kabhi sacha nahi mana… phir kyun uska ek ehsaas mere talwar se bhi tez hai?”

Thandi hawa chalne lagi, diyoon ki jhilmil roshni uske chehre par khelne lagi.

Usne apna haath Shivling par rakha aur dheere se fusa fusaaya:

“Agar yeh mera bhram hai, to mujhe tod do…

Aur agar yeh mera bhagya hai, to mujhe is rahasya ka marg dikhaiye.”

Uske dil me ek awaaz gunji — na puri shabd, na puri samajh…

Sirf ek sanket: “Samay.”

Jivika ne aankhen khol di.

Samay? Matlab vo aadmi uska nahi… kisi aur yug ka hai?

Usne khud se kaha:

“Toh humare beech sirf samay ki deewar hai…

Par agar samay mere aur uske beech hai, to ek din samay hi mujhe uske paas le jayega.”🔥 Raat ke do alag yug, ek hi junoon

Devraaj apne canvas par uski tasveer bana raha tha,

Aur Jivika apne Shiv se uske chehre ka raaz poochh rahi thi.

Do alag yug, do alag duniya… par ek hi junoon, ek hi talaash.

Aur dono ke dil me ek hi sawaal:

“Tu kon hai… aur kyun meri rooh par likh diya gaya hai tera naam?”

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

***Download NovelToon to enjoy a better reading experience!***