4. Ek Anjaana Faisala

Hospital ke waiting area me baithi Kavya Rawat ke haath me reports hai… aur aankhon me bechaini saaf dikh rahi hai.

Papa ICU me hai… aur har guzarta pal uske liye aur bhi bhaari hota ja raha hai.

Doctor ne clearly keh diya hai… “Agar operation jaldi nahi hua, to risk badh sakta hai.”

Kavya ke paas waqt nahi hai… lekin paise bhi nahi hai.

Wo reception par khadi ho kar baar baar request kar rahi hoti hai…

“Please thoda time de dijiye… main paise arrange kar lungi…”

Lekin saamne se ek hi jawab milta hai—

“Ma’am, hospital rules allow nahi karte.”

Kavya ki aankhon me aansu aa jaate hai… lekin wo phir bhi khud ko sambhalne ki koshish karti hai.

Tabhi peeche se ek thandi aur seedhi awaaz aati hai—

“Kitni amount hai?”

Kavya palat kar dekhti hai…

Arjun.

Wo wahi khada hota hai… calm, composed… jaise use kisi baat ki jaldi nahi hai.

Kavya confuse ho jaati hai.

“Aap…?”

“Amount,” Arjun phir se kehta hai.

Kavya kuch seconds ke liye chup rehti hai… phir dheere se bolti hai,

“5 lakh…”

Arjun bina kisi reaction ke use dekhta hai… phir apne assistant ki taraf mud kar kehta hai,

“Arrange it.”

Kavya shock me usse dekhne lagti hai.

“Nahi… ek minute,” wo turant bol padti hai.

Arjun rukta hai.

“Main aapko jaanti bhi nahi hoon… aap meri help kyun kar rahe hai?”

Uski awaaz me confusion bhi hai… aur darr bhi.

Arjun kuch pal uski aankhon me dekhta rehta hai…

Phir dheere se kehta hai,

“Kyuki mujhe ek deal chahiye.”

Kavya aur zyada confused ho jaati hai.

“Kaisi deal?”

Arjun seedha khada rehta hai… uska expression bilkul change nahi hota.

“Mujhe ek aisi ladki chahiye jo mere liye ek contract marriage accept kare.”

Kavya ke pair jam jaate hai.

“What…?”

“Tumhe paise chahiye… mujhe ek naam,” Arjun calm tone me kehta hai.

“Mere family pressure aur business reasons ke liye mujhe shaadi karni hai… lekin real nahi.”

Kavya ka dimaag ghoom jaata hai.

“Aap seriously ye keh rahe hai…?”

“Bilkul,” Arjun seedha jawab deta hai.

“Aur aapko lagta hai main maan jaungi?”

Arjun halka sa smirk karta hai…

“Tumhari situation dekh kar… haan.”

Kavya ki aankhon me aansu aa jaate hai…

Wo gusse aur majboori ke beech fass jaati hai.

“Mere papa ki zindagi koi deal nahi hai…” wo dheere se kehti hai.

Arjun ka expression ek pal ke liye serious ho jaata hai.

“Main tumhare papa ki life save kar raha hoon… free me nahi,” wo thandi awaaz me kehta hai.

Kavya chup ho jaati hai.

Uske paas jawab nahi hota… kyunki sach ye hai ki uske paas aur koi option bhi nahi hai.

Arjun thoda paas aata hai…

“Soch lo, Kavya Rawat… tumhare paas zyada waqt nahi hai,” wo uska naam le kar kehta hai.

Kavya shock me usse dekhti hai…

“Aap mera naam…?”

“Main bina jaane deal nahi karta,” Arjun calmly bolta hai.

Kavya ke haath kaanp rahe hote hai…

Ek taraf uske papa ki zindagi…

aur dusri taraf ye ajeeb sa rishta…

Wo samajh nahi pa rahi hoti… kya sahi hai aur kya galat.

Lekin waqt uske haath se nikal raha hai…

Aur shayad… ye hi uska eklauta option hai.

***Download NovelToon to enjoy a better reading experience!***