(سلطنتِ جنون) Saltanat-e-Junoon

Istanbul ki sardi jism ko sunn kar rahi thi, lekin us aalishaan kamre ke andar ka maahaul kisi jhalte hue joray se kam nahi tha.Zaviar ne revolver ka thanda nishana seedha Hoorain ki peshani par tika diya tha. Us ki siah aakhon mein reham ka aik qatra bhi nahi tha. Wo is waqt koi business tycoon nahi, balkay apni saltanat ka jallad lag raha tha."Aakhri baar pooch raha hoin Hoorain... kaun ho tum aur mere private locker mein kya dhoond rahi theen?" Zaviar ki bhari aur sapat aawaz poore kamre mein goonji.Hoorain ki jaan halaq mein thi. Revolver ki thandak us ki ragon mein darr ban kar utar rahi thi. Lekin us ne apni kaanpti hui hichki ko andar hi dabaya. Us ne apni thori (chin) ko ooper uthaya aur seedha us ke pathar jaise chehre mein dekh kar muskura di."Agar jaan hi leni hai Zaviar, to goli chalao. Kyunke agar mein yahan se zinda bach gayi, to tumhari is saari saltanat ko mitti mein mila doongi!""Zaviar! Drop the gun!"Achanak kamre ka bhaari darwaza jhatkay se khula aur Alperen andar dakhil hua. Us ke chehre par khauf saaf nazar aa raha tha. "Hosh mein aao, goli mat chalana! Agar is larki ko kuch hua to hum us raaz tak kabhi nahi pohanch payenge!"Zaviar ki ungli revolver ke trigger par ruk gayi, lekin us ki nazrein Hoorain ke haseen aur nidar chehre se nahi hatien. Us ne sardi se muskura kar kaha, "Alperen, yeh larki raaz batane nahi... raaz churane aayi thi."Hoorain ke kaan mein chupi hui tiny Bluetooth earpiece se is waqt Miray ki roti hui aawaz aa rahi thi jo laptop ke samne baithi sab sun rahi thi."Hoorain! Please wahan se niklo... Alperen sahi keh raha hai, Zaviar waqai goli chala de ga! Wo pagal hai, us se panga mat lo!"Hoorain ne ahein bhari. Wo janti thi ke rasta band ho chuka tha, lekin Dilara Writer ki is heroine ne abhi har manna nahi seekha tha...Zaviar ne dheere se apni revolver neeche ki, lekin us ki khofnaak nazrein abhi bhi Hoorain ke chehre par jami hui theen. Kamre mein sardi aur khamoshi ka raj tha."Guard!" Zaviar ki bhari aur barfili aawaz goonji.Pehli hi aawaz par do lambay, kale dastaane pehne security guards jhatkay se kamre ke andar dakhil hua aur sir jhuka kar khare ho gaye."Is larki ko qile ke siah tehkhany (basement) mein le jao. Aur jackpot jab tak mein khud hukum na doon, isay yahan ke pani ka ek qatra bhi nahi milna chahiye," Zaviar ne rukh morte hue kaha, jaise Hoorain us ke liye koi aam khilona ho.Guards ne agay barh kar Hoorain ke nazuk bazuon ko sakhti se pakra. Hoorain ne ek jhatkay se apne bazu chudane ki koshish ki, lekin un ki pakar lohe jaisi thi."Zaviar Karahan! Tum mujhe qaid kar sakte ho, lekin mere andar ke sach ko kabhi mita nahi sakte!" Hoorain ne bazu kheenchte hue gusse se chilaya.Zaviar ne palat kar bhi nahi dekha. Guards usay kheenchte hue andhere corridors se guzar kar nichli manzil ki taraf le jaane lage.Hoorain ke kaan mein chupi tiny earpiece par Miray ki aawaz ab bilkul kaanp rahi thi. "Hoorain... oh my God, Hoorain! Mera network wahan block ho raha hai... tehkhany mein signal nahi aayenge! Mein tum se rabta nahi kar sakungi, Hoorain!"Darwaza band hone se pehle Hoorain ne aakhri baar siah corridor ki taraf dekha, jahan Zaviar khamosh khara usay hi dekh raha tha. Us ne dil mein socha, 'Zaviar... tum ne mujhe qaid kar ke apni zindagi ki sab se bari galti kar di hai!'Tehkhany ki deewaron se tapakta hua thanda pani andhere mein ajeeb khofnaak aawaz paida kar raha tha. Hoorain ek thanday pathar ke farsh par baithi thi. Us ke hath rassi se bandhe hue the, aur Miray ka rabta kab ka toot chuka tha. Magar us ki aankhon mein darr ka ek qatra bhi nahi tha.Achanak, tehkhany ka bhari lohe ka darwaza ek zordaar bheenj ke sath khula.Andhere corridor se ek lamba saaya andar dakhil hua. Mehngay Turkish perfume ki khushboo ne kamre ki sarnahat ko mita diya. Yeh Zaviar Karahan tha. Us ke jism par kaala coat tha aur chehre par wahi sapat, be-reham taveel.Us ne dheere se chalte hue Hoorain ke samne aakar apne ghutno ke bal baith gaya. Us ne apni unglion se Hoorain ke bazu par lagi choti si khraash (scratch) ko chhua, jahan se khoon nikal raha tha."Pata hai Hoorain... mujhe ziddi log pasand hain. Kyunke un ka guroor torne ka maza hi kuch aur hota hai," Zaviar ne nehayat dheemi aur khofnaak aawaz mein kaha.Hoorain ne dard ke bawajood apni nazrein us ki siah aankhon mein gaarh dein. "Tum mera jism qaid kar sakte ho Zaviar, lekin meri soach ko nahi. Aur yaad rakhna, Karahan khandan ke har qatal ka hisab isi qile mein hoga."Zaviar ke chehre par ek sardi si muskurahat aayi. Us ne khare hote hue kaha, "To tum yahan hisab karne aayi ho? Chalo, dekhte hain ke is andhere tehkhany ki sardi pehle tumhari zabaan kholti hai ya tumhara yeh junoon mitti mein milta hai."Zaviar palta aur darwaze ki taraf barh gaya. Darwaza ek jhatkay se band hua aur andhere dobara chha gaya. Magar Hoorain ne andhere mein muskurate hue khud se kaha, 'Zaviar Karahan... ab is khel ke asool mein tay karungi!'

***Download NovelToon to enjoy a better reading experience!***