28 June ka Baad

29 June.

Wo tareekh thi jab Ayesha ki zindagi badal gayi.

Ghar mein shaadi ki taiyariyan thi. Lekin Ayesha ke chehre par khushi nahi thi.

Uske walid ne kaha tha: "Beti, 10 lakh mil rahe hain. Inkar mat karna."

Ayesha ne sar jhuka liya. Usne kaha: "Jaisa aap kahen Abu."

Lekin dil ro raha tha.

Uske khwab kuch aur the. Wo parhna chahti thi. Doctor banna chahti thi.

Lekin gareebi ne sab khatam kar diya.

Shadi ke din Ayesha dulhan bani. Lal jora, bhari mehndi.

Lekin uski aankhon mein aansu the.

Rukhsati ke waqt uski maa ne gale lagaya aur kaha: "Sabar karna meri bachi."

Sasural gayi to pata chala ye 10 lakh ki qeemat kya hoti hai.

Saas din bhar taane deti: "10 lakh mein li hai tujhe. Ehsan faramosh mat ban."

Nand kehti: "Kaam kar. Muft ki rotiyan nahi milti yahan."

Shohar? Wo to shaadi ke 3 din baad hi sheher chala gaya. Bola: "Kaam hai."

Pehli raat Ayesha ne chhat dekhi aur socha...

Kya yehi zindagi hai?

Kya 10 lakh ke badle uski izzat, uske khwab, uski azadi bik gayi?

Raat bhar so nahi saki.

Subah 5 baje uth kar sab ka nashta banaya. Jhoote uthaye. Kapray dhoye.

Raat ko phir tanha.

1 mahina guzar gaya.

Phir 2 mahine.

Har din ek jaisa. Zulm, tanhaai, aur be-izzati.

Ayesha ne diary likhna shuru ki.

Us diary ka pehla jumla tha: "29 June ka baad meri zindagi q

Chapter 2 Zulm

Ayesha ki shadi ko 3 mahine guzar gaye.

Har din pehle se zyada mushkil hota ja raha tha.

Subah 5 baje uthna. Sab ka nashta. Ghar ki safai.

Raat 12 baje tak kaam. Aur beech mein taane.

Saas kehti: "10 lakh de kar laye hain tujhe. Shukar kar."

Nand kehti: "Dekh kaise baithi hai. Rani bani phirti hai."

Dewar kehti: "Khaana acha nahi banaya. Seekh le."

Ayesha chup rehti.

Jawab deti to kehte: "Zuban chalti hai?"

Shohar mahine mein 1 baar aata. 2 din rukta.

Paise nahi deta. Kehta: "Ghar kharch bhejta hun na."

Lekin ghar kharch bhi saas ke haath mein tha. Ayesha ko 1 rupaya nahi milta tha.

Ek din Ayesha beemar ho gayi. Bukhar tha. 103.

Usne kaha: "Ammi mujhe dawai chahiye."

Saas boli: "Drame mat kar. Kaam kar."

Ayesha ne phir bhi kaam kiya. Jhuk kar farsh pocha. Chakkar aa gaye. Gir gayi.

Kisi ne nahi poocha.

Raat ko kamray mein leti rahi. Pani maanga to kaha gaya: "Khud le lo."

Us raat Ayesha ne bohot royi.

Takiye mein munh chupa kar. Taake awaz na aaye.

Dil mein kaha: "Ya Allah... main mar kyun nahi jati?"

Lekin agle din phir wahi. Kaam. Taane. Zillat.

Ayesha ne diary nikali. Likha:

"Aaj samajh aaya. 10 lakh ki qeemat meri izzat hai.

Meri sehat hai. Meri neend hai. Mera sukoon hai.

Sab bik gaya. Aur main? Main kuch nahi."

Raat ko chhat par gayi. Aasman dekha.

Sochne lagi: "Kya har larki ki qismat aisi hoti hai?

Kya paise ke liye izzat bechna zaroori hai?"

Jawab nahi mila.

Sirf hawa chali. Aur Ayesha ke aansu khushk ho gaye.

Us din Ayesha ne faisla kiya.

"Main ab aur nahi seh sakti.

Main parhungi. Kaam karungi. Apne paon par khari houngi.

Chahe kuch bhi ho jaye."

29 June ka baad andhera tha.

Lekin ab Ayesha ko apne andar ek choti si roshni nazar aayi.

Umeed ki roshni.

***Download NovelToon to enjoy a better reading experience!***