Maut Aur Naya Aagaz

"Veer, tum jaise garib aur bewakoof ladke meri life deserve hi nahi karte!"

Raat ke andhere mein pahadi ki choti par thandi hawayein chal rahi then. Veer ke ghutne zameen par tike hue the aur uske chehre par khoon beh raha tha. Samne uski mangetar Sneha khadi thi, jiske chehre par ek nafrat bhari muskaan thi.

Uske theek peeche shehar ke sabse ameer gharane ka bigdail ladka, Rohan Malhotra khada tha. Rohan ke hath mein ek bhaari baseball bat tha.

"Sneha... maine tumhare liye apni padhai tak chhod di, din-raat mehanat karke tumhari har zaroorat poori ki... aur tum Rohan ke sath milkar..." Veer ki aawaz mein dard aur sadma saaf jhalak raha tha.

"Chup raho Veer!" Rohan ne Veer ke pet mein ek laat maari. Veer dard se karahate hue peeche ki taraf khisak gaya.

"Tumhari aukaat is college ke farsh par pochha lagane ki hai, Veer. Sneha mere sath rahegi. Aur aaj ke baad tum is duniya mein rahoge hi nahi!" Rohan ne haivano ki tarah hanste hue Veer ko pahadi ke kinare ki taraf dhakka de diya.

"Nahiíí!"

Veer ka pair fisal gaya aur woh saikdon feet gahri khai mein neeche ja gira. Charon taraf sirf hawa ki sansanahat aur andhera tha. Chattano se takrate hue Veer ka sharir lahuluhan ho chuka tha.

Uski aankhein bhaari ho rahi then. 'Kya meri kahani yahin khatam ho gayi? Kya un jalimo ko kabhi saja nahi milegi?' Veer ne apni aakhri saans ginte hue socha.

Tabhi, achanak Veer ke dimag mein ek ajeeb si 'Beep' ki aawaz goonji.

[DING!]

[Host Level: Critical Danger!]

[Rebirth Super System Activated!]

Veer ki band hoti aankhon ke samne ek chamkili neeli holographic screen tairne lagi.

[User Profile Updated]

* Name: Veer

* Status: Reborn

* Strength Level: 1

* Special Skill: Eyes of Truth (Unlocked)

* Current Mission: Survive and Take Revenge!

Agle hi pal, Veer ke ghaav apne aap bharne lage. Uske sharir mein ek neele rang ki jadui energy daudne lagi. Jo haddiyan toot chuki then, wo chamatkari roop se jud gayin.

Veer ne jhatke se apni aankhein kholin. Uski kaali aankhon mein ab ek neeli roshni chamak rahi thi.

Wo khai ke neeche pada hua tha, lekin ab use koi dard mehsus nahi ho raha tha. Usne apne hath dekhe—wo pehle se zyada majboot aur takatwar lag rahe the.

Screen par ek naya message aaya:

[Reward: $1,000,000 Cash Credited to Bank Account. Secret Identity: Lord V Unlocked!]

Veer ke phone par turant ek message aaya—'Your Bank Account has been credited with ₹8,00,00,000.'

Veer dheere se uthkar khada hua. Uske hothon par ek aisi muskaan aayi jo usne pehle kabhi mehsus nahi ki thi—ek khaufnak aur thandi muskaan.

"Rohan... Sneha... tumne ek masoom Veer ko mara tha. Lekin ab jo wapas aaya hai, wo tum dono ka kaal hai!"

Veer ne apne phone ki screen par dekha. Bank se aaya message sacch tha. 8 crore rupaye uske account mein aa chuke the.

"Rohan Malhotra... tumhein lagta tha ki paisa hi sab kuch hai? Ab dekho jab mera paisa aur meri shaktiyan samne aayengi, tab tumhara kya hota hai," Veer ne gusse mein kaha.

Usne apni jeb se ek rumal nikala aur apne chehre par laga khoon saaf kiya. Uske shareer ke saare zakhm pehle hi poori tarah bhar chuke the. Ab uske andar ek ajeeb si energy daud rahi thi. Usne ek aam insaan se kahin zyada door tak aur andhere mein bhi saaf dekhne ki shamta mehsus ki. Yeh uski 'Eyes of Truth' skill ka kamaal tha.

"Kal subah college mein ek naya dhamaka hoga," Veer ne ek thandi muskaan ke sath kaha aur wahan se shehar ki taraf paidal hi nikal pada.

Kya Veer kal college jaakar Rohan aur Sneha ko apni nayi shaktiyon se chaunka dega? Ya phir System usse koi naya aur khatarnak mission karwayega?

Janiye agle episode mein!

***Download NovelToon to enjoy a better reading experience!***