Final exam ke baad school almost khali ho chuka tha. Corridors me awaaz kam thi, par emotions heavy. Priya apni notebook band kar rahi thi jab Yash uske saamne aake khada ho gaya.
“Ek baat bolun? Is baar deny nahi karunga,” usne halka sa smile karte hue kaha.
Priya ka heartbeat fast. “Bol do.”
Yash ne deep breath liya. “Mujhe tum pasand ho. Kaafi time se. Par rumours ki wajah se main immature behave karta raha. Aur… age difference ka bhi sochta tha.”
Priya ne pehli baar seedha jawab diya, “Mujhe bhi tum ache lagte ho. Par mujhe darr lagta tha. Log kya kahenge, aur tum seriously ho ya nahi.”
Yash ne bina joke kiye bola, “Serious hoon. Par boards ke beech relationship start karke distraction nahi chah raha tha.”
Wo maturity wali line Priya ko hit kari. Ye cute crush nahi tha, ye thoda thoughtful lag raha tha.
Us din dono ne decide kiya — officially couple nahi banenge abhi. Pehle boards, phir results. Agar feelings same rahi, tab try karenge. No drama, no hiding.
Ghar jaake Priya ne apne online chats dekhe. “Miss you”, “Baby”, “Call me.” Sab suddenly halka lagne laga. Usne honestly message kiya — “I think we should stop. I’m not serious.” Koi fight nahi, bas clean exit.
Agle 2 mahine dono ka routine simple tha. Library me alag tables, par same time. Kabhi doubt discuss, kabhi silent study. Kabhi bas ek smile.
Ek din Priya ka maths mock test kharab gaya. Wo frustrate thi. Yash ne uska paper dekha aur bola, “Tum weak nahi ho maths me. Tum overthink karti ho.” Phir usne patiently usse 5 sums practice karaye. First time Priya ko laga koi usse impress nahi, genuinely support kar raha hai.
Results wale din tension high. Priya first division se pass hui. Yash bhi achhe marks se. Dono ne ek dusre ko congrats bola. No dramatic hug. Bas proud smiles.
School ka last farewell function hua. Music slow chal raha tha. Yash ne awkwardly haath aage badhaya, “Dance?”
Priya hansi, “First bench wali ladki dance bhi karti hai.”
Wo dance perfect nahi tha. Steps match nahi ho rahe the. Par comfort tha.
Function ke baad Yash ne seedha poocha, “Ab kya? Try kare?”
Priya ne thoda socha. “Ek condition. Agar kabhi tumhe lage ye sirf attraction tha, toh honestly bolna. Aur agar mujhe lage future different direction me hai, main bhi clear bolungi.”
Yash ne haath milaya. “Deal.”
Story fairy-tale nahi bani. College aaya, new log aaye, fights bhi hui. Par unhone ek cheez nahi chhodi — communication.
Kabhi kabhi insecurity wapas aati thi Priya ko. Skin tone, age gap, comparison. Par Yash har baar ek hi line bolta, “Mujhe template nahi chahiye tha. Mujhe tum chahiye thi.”
Aur Priya ne finally samjha —
Love tab strong hota hai jab tum khud ko kam samajhna band kar dete ho.
---
thanks for reading my novel ლ(´ ❥ `ლ)(◍•ᴗ•◍)❤～(つˆДˆ)つ｡☆ʕっ•ᴥ•ʔっ(づ｡◕‿‿◕｡)づ⊂((・▽・))⊃(o´･_･)っ(⊃ • ʖ̫ • )⊃～(つˆДˆ)つ｡☆⊂(´･◡･⊂ )∘˚˳°⊂(•‿•⊂ )*.✧⊂(◉‿◉)つ
***Download NovelToon to enjoy a better reading experience!***
Download
Like this story? Download the app to keep your reading history.
Comments