AT The Airport

Airport par kaafi bheed thi…

Log apne-apne loved ones ka wait kar rahe the.

Unhi logon ke beech, Paritosh idhar-udhar ghoom raha tha…

jaise kisi ko desperately dhoond raha ho.

Tabhi peeche se ek awaaz aayi—

“Paritosh…”

Paritosh ne palat kar dekha…

ek aurat saree mein khadi thi—Rajni Sharma.

Usne aankhon se hi poocha—mili?

Paritosh ne dheere se sir hila diya—“No…”

Yeh dekhte hi Rajni ke chehre par tension aur badh gayi.

Woh paas ki chair par baith gayi.

Paritosh turant uske paas aaya—

“Mom, tension mat lo… hum Aaru (Arya)

ko dhoond lenge.”

Rajni ne bechaini se kaha—

“Par kab? Tumhare papa aur badi mummy bhi aa gaye honge…”

Dono baat hi kar rahe the ki ek choti si ladki bhaagte hue aayi—

“Mommmmm…!”

Woh thi Pari.

“Papa aur badi mumma aa gaye… unhone aapko bulaya hai!”

Rajni aur Paritosh ek dusre ko dekhne lage…

tabhi peeche se kisi ne Pari ko bulaya—

“Pariiii…”

Sabne palat kar dekha…

Wahan ek khoobsurat si ladki khadi thi…

chehre par cute si smile… haath hilate hue… 👋

👉 Arya Sharma.

Pari excited ho kar chillayi—

“Arya diiii! Jaldi aao… sab wait kar rahe hain!”

Arya hasti hui aayi… aur Pari ka haath pakad kar bhaagne lagi.

Phir achanak ruk kar peeche mudhi—

“Choti maa, Toshu! Jaldi aao na… tum log late ho!”

Rajni aur Paritosh ek dusre ko dekh kar bas reh gaye—🤦‍♀️

Rajni ne sir pakad kar kaha—

“Yeh ladki na ek din humein pakka maar degi…”

Thodi der baad sab log mil gaye.

Arya seedha apne chachu Mahesh ke paas gayi—

“Chachuuuu!”

Mahesh muskura kar bola—

“Kaise ho meri bacha?”

“Achi hoon chachu!” Arya ne pyaar se kaha.

Mahesh ne halka sa tease kiya—

“Lagta hai tumhari choti maa tumhara dhyaan nahi rakhti…”

Arya turant Rajni ki taraf dekh kar boli—

“Mujhe meri choti maa se zyada koi pyaar hi nahi kar sakta!” ❤️

Aur usne unki taraf flying kiss bhej diya 😘

Pari turant bol padi—

“Papa, aap mujhe pyaar nahi karte kya?”

Mahesh hans pada aur Pari ko utha kar usse baat karne laga.

Airport par bheed thi…

log apne apno se milne ke liye excited the.

Lekin us bheed ke beech…

kisi ka dil dheere-dheere toot raha tha.

Arya dheere kadam se apni mom ke paas aayi…

jo Veena (dadi) se baat kar rahi thi.

“Mom…” usne halki si muskaan ke saath bulaya.

Prachi ne uski taraf dekha—

ek pal ke liye hi sahi…

“Hello Arya, how are you?”

Unki awaaz… bilkul formal thi.

Jaise woh kisi stranger se baat kar rahi ho.

Arya ke chehre ki smile halki si dheemi pad gayi…

phir bhi usne khud ko sambhala—

“I’m good mom… aap kaisi ho?”

“Good.”

Bas ek word.

Na pyaar… na concern… na warmth.

Arya dheere se aage badhi…

shayad ek hug ke liye…

Lekin usse pehle hi Prachi ne seedha kaha—

“Let’s go guys.”

Aur woh Veena ke saath aage badh gayi.

Ek baar bhi peeche mud kar nahi dekha.

Arya wahi ruk gayi.

Uske haath hawa mein hi reh gaye…

jaise hug adhoora reh gaya ho.

Aankhon mein ek pal ke liye chamak aayi…

aur agle hi pal woh dheere se feeki pad gayi.

Usne apni maa ko jaate hue dekha…

jaise har baar dekhti hai.

👉 Door… hamesha door.

“ Arya beta, chalo…” Rajni ki awaaz ne use reality mein wapas laaya.

Arya ne unki taraf dekha…

lekin kuch bola nahi.

Uski aankhon mein ek sawal tha—

“Mom mere saath aisa kyun karti hain?”

Rajni ne uska chehra dekha…

aur sab samajh gayi.

Unhone halka sa uska haath pakda—

“Beta…”

Lekin Arya ne turant apni nazar hata li…

aur ek fake smile laayi.

“Main theek hoon choti maa…”

Atmosphere heavy ho chuka tha.

Tabhi Paritosh ne uske sir par tapki maari—

“Pagal ladki! Tu humein maar degi ek din… kahan gayi thi?”

Arya ne turant apna mood change kiya 😏

Usne zor se Paritosh ke pair par kick maara—

“Abhi tak tujhe zinda chhoda hai… ab marwaungi!”

Paritosh uchhal pada—

“Arey yeh kya tha!”

Arya drama karte hue—

“Awww… baby ko lag gayi?” 😌

Phir hasti hui boli—

“Chal jaldi… warna MOM—sorry Mogambo aa gayi na… toh sach mein maar degi!” 🤣

Rajni ne turant uske haath par halka sa thappad maara—

“Apni maa ke liye aise nahi bolte!”

Arya ek second ke liye chup ho gayi…

Usne door jaati hui apni maa ki taraf dekha…

Phir dheere se muskura kar boli—

“Haan… nahi bolna chahiye…”

Uski awaaz halki si toot gayi thi.

Usne apna bag utar kar Paritosh ke haath mein phenka—

“Carry this… aur peeche aao.”

Aur khud aage badh gayi…

Sabke saath…

lekin phir bhi akeli.

Sab log car mein baith gaye…

ghar ki taraf nikal gaye.

Lekin Arya ki nazar…

ab bhi apni maa par hi thi.

👉 Shayad iss umeed mein…

ki kabhi toh woh usse pyaar se dekhenge. 💔

***Download NovelToon to enjoy a better reading experience!***