“Baarish Mein Pehli Mulaqat”

🖤 ARJUN POV

Main itni jaldi ghar se nikla…

ki mujhe khud nahi pata tha main jaa kahan raha hoon.

Aaj dil ajeeb sa bechain tha…

jaise koi mujhe baar-baar apni taraf kheench raha ho.

Par kyun…?

Kahan…?

Kis taraf…? 🤔

Main bas drive kar raha tha…

tabhi meri nazar achanak saamne gayi.

Road ke beech…

tez baarish ke andar…

Ek ladki baithi thi.

Chaaron taraf traffic jam laga hua tha…

horn ki awaazein… logon ki awaaz…

lekin woh… bilkul chup.

Jaise usse kuch farak hi nahi pad raha ho.

Main usse ignore karne wala tha…

Lekin pata nahi kyun…

mere kadam khud-ba-khud uski taraf badhne lage.

Jaise koi invisible force mujhe uski taraf kheench rahi ho.

Main car se utra…

aur dheere-dheere uski taraf badhne laga.

Mere kadam slow the…

lekin meri heartbeat unse bhi zyada fast.

“Mujhe kya ho raha hai…?”

Main uske paas pahucha…

aur bina kuch kahe apna umbrella uski taraf badha diya.

Lekin…

Woh bilkul waise hi baithi rahi.

Na hilli… na kuch bola…

Bas ro rahi thi.

Tabhi achanak tez hawa ka jhonka aaya—

Aur mera umbrella udh kar kahin door chala gaya.

Ab hum dono…

baarish ke beech…

ekdum akele khade the.

Maine dheere se uske haath pakde…

Woh halka sa kaanpi…

aur dheere se apna chehra upar uthaya.

Uski aankhen…

bhuri… aansuon se bhari hui.

Naak ro-ro kar laal ho chuki thi…

aur woh halki si kaanp rahi thi.

Main bas usse dekhta reh gaya…

Jaise waqt wahi ruk gaya ho.

Tabhi—

Dhadaam!

LEk zor ki awaaz ne mujhe hosh mein laaya.

Maine mud kar dekha—

do gaadiyan aapas mein takra gayi thi.

Tab mujhe ehsaas hua…

yeh sab traffic…

Humari wajah se tha.

Maine turant uska haath pakda

aur use road ke side le gaya.

Woh bas mujhe dekhti rahi…

uski aankhon mein darr tha… confusion tha.

Main usse kuch poochna chahta tha…

Lekin tabhi peeche se awaaz aayi—

“Aaru

Usne turant peeche mud kar dekha.

Thodi door ek ladka khada tha…

jo use bula raha tha.

Us ladke ko dekhte hi…

woh meri pakad se nikal kar uski taraf bhaagi…

Aur seedha jaakar usse hug kar liya.

Main wahi khada reh gaya.

Jaise sab kuch ek pal mein badal gaya ho.

Us ladke ne apni jacket nikaal kar uske shoulders par daali…

aur use le kar chala gaya.

Main bas dekhte reh gaya…

Jaise yeh sab ek sapna tha.

Woh aayi…

Laur chali gayi…

Aur main… wahi reh gaya.

Tabhi mera phone ring hua.

Main hosh mein aaya…

aur phone dekha—

Maa ka call.

“Maa… main ghar aa raha hoon.”

Call cut karke main car mein baitha…

aur wapas nikal gaya.

Lekin dil…

Abhi bhi wahi tha.

Us ladki ke paas.

🌧️ PARITOSH POV

Main apna samaan arrange kar raha tha…

tabhi mujhe Arya ka bag mila.

Mujhe pata tha yeh uska favourite bag hai…

aur woh ab tak poore room mein ise dhoond rahi hogi.

Main socha usse de deta hoon.

Lekin jab main uske room gaya…

woh wahan nahi thi.

Main poore ghar mein use dhoondta raha…

lekin woh kahin nahi mili.

Tab main bahar aaya…

Aur maine use dekha—

Woh road par bhaag rahi thi…

tez baarish ke beech.

“Arya!” main zor se chillaya.

Main uske peeche bhaagne laga…

lekin woh ruk hi nahi rahi thi.

Main use dhoondta hua aage badha…

Tabhi mujhe woh dikhi—

Ek ladka uske paas khada tha…

uska haath pakde hue.

Baarish itni tez thi ki main us ladke ka chehra clearly nahi dekh paaya.

Maine phir se chillaya—

“Arya!”

Jaise hi usne meri awaaz suni…

woh turant meri taraf bhaagi…

Aur aakar mujhe zor se hug kar liya.

Main samajh gaya…

woh kitni darr gayi hai.

Uske kapde poore bheeg chuke the…

woh thand se kaanp rahi thi.

Maine turant apni jacket utar kar usse pehna di.

Main usse us ladke ke baare mein poochna chahta tha…

lekin uski haalat dekh kar main chup ho gaya.

Main use wahan se le aaya.

Poore raste…

woh chup rahi.

Bas mera haath pakde hue…

chupchaap chalti rahi.

Ghar pahunch kar maine use uske room tak chhoda.

Woh bina kuch bole andar chali gayi…

aur door band kar liya.

Main kuch der wahi khada raha…

Phir socha—

“Kal baat karunga…”

Aur chupchaap wahan se chala gaya.

“Woh ladki uski zindagi se chali gayi…

lekin apna asar chhod gayi.

Arjun nahi jaanta tha—

ki yeh sirf ek mulaqat nahi…

balki ek aisi kahani ki shuruaat thi,

jo uski poori zindagi badal degi.” 🔥

KEEP READING

KEEP SUPPORTING

NEXT CHAPTER COMING SOON.......

***Download NovelToon to enjoy a better reading experience!***