Adhoori Pehchaan

Uske saamne ek ladka baitha tha. Jaise hi Aarav ne uska chehra dekha, usne mehsoos kiya ki Surbhi buri tarah ghabra gayi hai.

"Sur... Surbhi, ye kaun hai?" Aarav ne hairani se poocha.

Surbhi ki aankhon mein aansu aa gaye. Kuch pal tak woh chup rahi, phir dheere se boli—

"Ye Kabir hai... meri purani company ka boss."

Kabir halka sa muskuraya, lekin uski muskaan mein ek ajeeb sa junoon tha.

Do saal pehle Surbhi ek badi company mein kaam karti thi. Wahi uski mulaqat Kabir se hui thi. Shuruaat mein Kabir uska khayal rakhta tha, lekin dheere-dheere woh Surbhi ko lekar zarurat se zyada possessive ho gaya.

Kabir Surbhi se shaadi karna chahta tha, lekin Surbhi ke dil mein uske liye kabhi aisi feelings nahi thi. Jab Surbhi ne uska proposal thukra diya, tab Kabir ne uska peecha karna shuru kar diya.

Uski har movement par nazar rakhna, baar-baar call karna aur zabardasti uski zindagi mein rehne ki koshish karna Surbhi ke liye ek daravna sapna ban gaya tha.

Aakhirkaar Surbhi ne sab kuch chhod diya. Apni job, apna shehar aur apni purani zindagi...

Woh wapas apne ghar aa gayi aur ek normal job karne lagi.

Ye sach usne aaj pehli baar Aarav ko bataya.

Surbhi rote hue boli—

"Mujhe darr tha Aarav... kahin tum bhi mujhe galat na samajh lo."

Aarav ne bina kuch kahe uska haath pakad liya.

"Tumhari koi galti nahi hai, Surbhi. Ab tum akeli nahi ho."

Us din ke baad Aarav ne Surbhi ko job chhodne ke liye mana liya. Woh chahta tha ki Surbhi bina kisi darr ke apni zindagi jee sake.

Aarav uski har zarurat ka khayal rakhta. Surbhi ki pasand, uski family aur uski khushiyon ko woh apni zimmedari samajhne laga tha.

Dheere-dheere waqt beetne laga.

Dono roz milte, ghanton baatein karte aur apne aane wale future ke sapne dekhte.

Kyuki ab dono ne faisla kar liya tha...

Bahut jald woh apne ghar walon se baat karke shaadi karne wale the.

Ek din Aarav aur Surbhi ek private room mein mile. Dono ne milkar apni shaadi ki planning shuru ki.

"Main chahta hoon ki tum hamesha aise hi muskuraati raho," Aarav ne pyaar se kaha.

Surbhi muskurate hue uske kandhe par sir rakhkar boli—

"Mujhe lagta hai Bhagwan ne tumhe meri zindagi mein sirf mere liye bheja hai."

Us pal Surbhi bahut khush thi.

Usse ek aisa insaan mila tha jo uski izzat karta tha, uska khayal rakhta tha aur uski family ko bhi apni family ki tarah maanta tha.

Lekin shayad kismat ko unki khushiyan manzoor nahi thi...

Kyuki usi raat Kabir ne door khade hokar Surbhi aur Aarav ko saath dekh liya.

Aur uski aankhon mein ek khatarnak junoon saaf nazar aa raha tha.

Usne apne phone ko zor se pakadte hue dheere se kaha—

"Surbhi sirf meri hai... agar woh meri nahi hui, to kisi aur ki bhi nahi hogi..."

Aur yahin se unki zindagi ka sabse khatarnak mod shuru hone wala tha...🖤 To Be Continued...

***Download NovelToon to enjoy a better reading experience!***