Flashback 2

"Siguro aksidente lang yung pagiging photographer ko. Sinubukan ko lang naman noong una, but then nung mag-enjoy ako, tinuloy ko na. Kumuha rin ako ng photography class para do'n." Umayos ulit siya nang upo para makuha ang mug na nasa lamesa.

"I see," matipid na reaksiyon ni Aries. Medyo nadismaya siya sa sagot ni Chrys. Hindi naman talaga ito ang gusto niyang itanong. Gusto niyang malaman kung okay na ba talaga ito at kung masaya nga ba talaga si Chrys.

Pero hindi na niya itatanong. Ayaw na niyang itanong. Baka kasi masaya na ito sa panibagong buhay at nalimutan na ang nakaraan -- nalimutan na silang lahat, nalimutan nang nagmahal; o baka naman pinipilit lang nitong maging masaya sa panibagong buhay at nakakulong pa rin sa nakaraan - nakakulong pa rin sa sakit na nararamdaman at patuloy pa rin na nagmamahal kahit na nasasaktan. Hindi siya sigurado kung ano ang kinatatakot niyang malaman, hindi niya gustong alamin kasi parehong masakit.

"And then, after two years, bumukod na ako. Para kasing gusto ko nang maging independent, para kasing gusto kong mapag-isa." Sumandal ulit si Chrys sa kanyang upuan. "And to answer the other question," ngumiti ulit siya kay Aries, napansin niya kasing nagbago ang expression ng mukha nito, halatang may iniisip. "I also thought that i wanted to become a writer. Siguro may mga bagay na akala mo gustong-gusto mo talaga, but when something comes up or happens, that's when you realize na hindi mo talaga iyon gustong-gusto."

Napakagat pa si Chrys sa kanyang labi. "In my case, bigla na lang nawala eh. Pagkagising ko wala na. It feels like, I don't want to write anymore." She smiled, again. "But I am happy." Dagdag niya.

"I am happy kasi may sarili na akong studio, hawak ko ang oras ko, nag-eenjoy ako sa ginagawa ko. I am 24, I am free, I can do whatever I want, at wala akong ibang iniisip kundi ang sarili ko. Nung nakaraan nga lang nandito si Daddy eh. Kaso kinailangan niyang umuwi agad sa Pilipinas kasi aasukasuhin niya yung luoa namin sa probinsya," mahabang paliwanag ni Chrys.

Nakatingin lang naman si Aries sa kanya, hindi nagsasalita, Hindi niya kasi alam kung ano ang sasabihin. Napipi nga siya bigla kahit na marami naman siyang gustong itanong ngayong magkaharap na sila.

Bumuntong hininga si Chrys. "So... ikaw kamusta ka? Sina Rosen, kamusta?" bigla niyang tanong, pagbasag sa katahimikan. "I haven't heard from them since... I... I left."

Kasi hindi ka nagpaparamdam. Gusto sanang sabihin ni Aries. Peri siyempre, hindi na naman niya sinabi.

Simula nang umalis si Chrys, tinanggal na niya ang lahat ng contact niya sa Pilipinas, pwera na lang sa ilang kamag-anak. To forget everything, and there is the only reason kung bakit niya ginawa iyon. But then, she failed. She still remembers everything.

"They're married. Sila ni Jei. And i think manganganak na si Rosen sa first baby nila ngayong taon," nakatinging sabi ni Aries.

Lumiwanag naman ang mukha ni Chrys. "Really?! God, I wish nando'n ako sa kasal nila. Sayang!" At halata naman sa mukha at nises ni Chrys na talagang nanghihinayang siya. "At for sure, ang cute ng magiging baby nila. How i missed them."

***Download NovelToon to enjoy a better reading experience!***